މެންދުރުގެ ކެއުމަށް ”ފިހުނު ކުކުޅު“ މިއީ ވަރަށް ރަނގަޅު ރެސިޕީއެއް

މިއަދަކީ ހުކުރު ދުވަހަށް ވުމުން މެންދުރު އާއިލާއެއްކޮށް ކެއުމަށް ތައްޔާރު ކުރުމަށް މިއީ ވަރަށް ރަނގަޅު ރެސިޕީއެކެވެ.

މިއަދުގެ މެންދުރު ކެއުމަށް ”ފިހުނު ކުކުޅު“ ތައްޔާރު ކޮށްލަން ހިނގާށެވެ.

ބޭނުންވާ ތަކެތި:
2 ލޮނުމެދު
1 ކުކުޅު (1 ކިލޯ)
½ ޖޯޑު ލޮނުމިރުސް
1 މޭޒުމަތީ ސަމުސާ މާމުއި
4 ސައިސަމުސާ ޓޮމާޓޯ ޕޭސްޓް
½ ސައިސަމުސާ ލޮނު (ނޫނީ ބޭނުން ވަރަކަށް)
1 މޭޒުމަތީ ސަމުސާ ތެޔޮ ނޫނީ ބަޓަރު (ތަބަކުގައި އުނގުޅުމަށް)
1 މޭޒުމަތީ ސަމުސާ ބަޓަރު (ފްރިޖުން ބޭރުގައި މަޑުވެލަންދެން ބަހައްޓާލާފައި ހުރި)

ތައްޔާރު ކުރާނެ ގޮތް:

1. 175 ޑިގްރީސް ސެލްސިއަސްއަށް އަވަން ހޫނު ކުރަން ޖައްސާށެވެ.
2. ކުކުޅު ފިހަން ބޭނުން ކުރާނެ ތަބަކުގައި ފޮއިލްއަޅާށެވެ. ދެން ފޮއިލް މަތީގައި ބަޓަރު ނޫނީ ތެޔޮ އުނގުޅާށެވެ.
3. ލޮނުމެދުކޮޅު ގާނާލާށެވެ.
4. ބޯތަށްޓެއްގެ ތެރެއަށް ގޭނި ލޮނުމެދުކޮޅާއި، ލޮނުމިރުހާއި، ޓޮމާޓޯ ޕޭސްޓާއި، މާމުއިކޮޅާއި، ބަޓަރުކޮޅު އަޅައި ރަނގަޅަށް އެއްކޮށްލާށެވެ.
5. ކުކުޅު ރަނގަޅަށް ދޮވެލުމަށް ފަހު ޓިޝޫ ކަހަލަ އެއްޗެއް ބޭނުން ކޮށްގެން އެ ރަނގަޅަށް ހިއްކާލާށެވެ.
6. ދެން ކުކުޅުގައި ޅިޔަކޮޅެއް އަޅާލާށެވެ.
7. ކުކުޅުގައި ރަނގަޅަށް ލޮނު އުނގުޅާލާށެވެ.
8. ކުރިން ތައްޔާރުކުރި ތަބަކުގައި ކުކުޅު ބާއްވާށެވެ. ދެން ކުރިން ތައްޔާރުކުރި މިރުސްގަނޑު ވަރަށް ރަނގަޅަށް ކުކުޅުގައި އުނގުޅާށެވެ. ކުކުޅުގެ އެތެރެއަށް ވެސް އެތިކޮޅެއް އަޅާލަންވާނެއެވެ.
9. ދެން ކުކުޅު ފިހަން އަވަނަށްލާށެވެ. ބައިންދާނީ މެދު ރެކުގައެވެ. ފިހާނީ ކުކުޅުގެ ހަންގަނޑު މުރަނަވެ އެއަށް މުށިކުލަ އަރަން ދެނެވެ. އަހަރުމެންގެ ކުކުޅު ފިހެވުނީ 1 ގަޑިއިރާއި 20 މިނެޓުންނެވެ.

ނޯޓް: އެކި އަވަނުގައި ފިހެވޭގޮތް ތަފާތު ވާނެކަން ހަނދުގައި ބަހައްޓާށެވެ.