ފަރުމާ އިންޓަނޭޝަނަލް ޔޫތު އާޓް ފެސްޓިވަލް 2023 ހުޅުވުމަށް ބޭއްވި ރަސްމިއްޔާތުގައި ރާއްޖޭގެ ރައީސުލްޖުމުހުރިޔާ އިބުރާހީމް މުޙައްމަދު ޞާލިހް ވިދާޅުވީ ރާއްޖެއަކީ ތަފާތު ހުނަރުތަކުން ފުރިފައިވާ އެތައް ފަންނުވެރިންނެއްގެ ފާޑުވެރިކަމަށް ހެކިދޭ ދިގު ތާރީޚެއް އޮތް ގައުމެއް ކަމަށެވެ.
އެ ގޮތުން ދިވެހިންގެ ފާޑުވެރިކަމަށް ހެކިދޭ އެތައް އާސާރެއް މި ކުޑަކުޑަ ޖަޒީރާ ރާއްޖޭގެ އެންމެ އުތުރުން ފެށިގެން އެންމެ ދެކުނަށް ބެލިޔަސް ފެންނަން އެބަހުރިކަން ރައީސް ސާލިހް ފާހަގަ ކުރެެއްވިއެވެ.
ރައީސް ޞާލިހް އެ ފަދައިން ފާހަގަކުރެެއްވި އުފެއްދުން ތެރިކަން “ އުފެއްދުންތެރި ޒުވާނުން“ މިހެން ކިޔައިގެން ހަތަރުބިތުގައި “ މައުފަތި“ ދަމައިގެން ކިޔާނަމަކުން ހަރުކުރާ ނަންބޯޑަކުން ކަންވެ، ކަންކަންކުރެވޭނެ ޒަމާނެއް އަންނާން އޮތީހެއްޔެވެ؟
އެކި ގޮތްގޮތުން މި ޤައުމުގެ ރައްޔިތުންނަށް ދެރަގޮތްތައް ހަދަމުން ދިވެހިންގެ ކަންކަމަށް އަތްގަދަކޮށް “ ޤާނޫނު“ ފައިދަށައްލައި ޤާނޫނު އެމީހުންގެ މައްޗަށް ނުހިންގޭހާ ބާރުގެ ތެރެއަށް ވަދެތިބެ ބިދޭސީން ”ހުއްދަ އެއް ލައިސަންސްއެއް ހޯދުމަކާއި ނުލައި ޙަރާމެއް ހުއްދައެއް ބެލުމެއްނެތި ދިވެހިންގެ މި ޤައުމުގައި ”ދިވެހިންނަށް ވިޔަފާރި ހުއްދަ ނެތި“ ނުކުރެވޭ އެތައް އެތައް ވިޔަފާރިއެއް އެވެރިން ވަގަށް ކުރަމުންދާ ތަން ބަލަން ވެރިން ތިބެނީ ވެރިންގެ އަތެއް އޮވެގެން ކުރަމުންދާ ކަމަކަށް ވާތީ ތޯ މިއަދު މި ވަނީ ސުވާލު އުފެދޭ ހިސާބަށް ބިދޭސީންގެ ކަންކަން ބޮއްސުލާފައެވެ.
އަޅުގަނޑުމެންގެ ސިޔާސަތަކީ ތަފާތު ދާއިރާތަކުގެ ހުނަރާއި ފަންނުވެރިކަން ހުރި ޒުވާނުން އެ ދާއިރާތަކުން ކުރިއަރައި ދިޔުމަށް މަގު ކޮށައިދީ އުފެއްދުންތެރި ޒުވާނުން ބިނާ ކުރުން ކަމަށް ވެސް ރައީސް ވިދާޅުވެފައިވެއެވެ.
އެހެން ނަމަވެސް ފެންނަމުން މި ދަނީ ނަމުން އުފެއްދުންތެރި ޒުވާނުން އުފައްދައިގެން މިހެން ކިޔައިގެން ޒުވާން ޖީލަށް އޮތް ކުރިމަގު ގަސްދުގައި ބަންދުކޮށްފައި ”ދަޢުލަތް ހިންގާން ތިބި ގަބުޅި ވެރިން“ ދިވެހި ޤައުމު ބޭރުމީހުންގެ ބާރުގެ ދޮށަށް ދިޔުމަށް ދޫދީގެން ތިބޭ މަންޒަރެވެ.
އަޅުގަނޑަށް މިހެން ދަންނަވަން މި ޖެހުނީ ދިވެހިންގެ މުށުތެރޭ އޮތް ”ވިޔަފާރީގެ މައި ފަލަ ކެނބު“ ދަމާ އެ އޮތްގެން ބިދޭސީ ސޮރުމެންގެ އަތްދަށުލައި ނިމި ހުސްވާތީއެވެ.
ރައީސް ސާލިހް އެ ވިދާޅުވާ ރާއްޖެއަކީ ތަފާތު ހުނަރުތަކުން ފުރިފައިވާ އެތައް ފަންނުވެރިންނެއްގެ ފާޑުވެރިކަމަށް ހެކިދޭ ދިގު ތާރީޚެއް އޮތް ގައުމެއް ކަމަށްވާ އިރު ސަކުރާރުގެ ކުންފުނިތަކުގައި މަސައްކަތް ކުރާނެ ދިވެހި ޒުވާނުން ނެތީ ތޯއެވެ. ވެރިރަށް މާލޭގައި ހުރި ލޯކަލް މާރުކޭޓާއި ފިހާރަތަކުގެ އިތުރުން ފެރީތަކުގެ ކުރޫއިންގެ ގޮތުގައި މަސައްކަތް ކުރާނެ ހަމަ ދިވެއްސަކު ވެސް ނެތީ ތޯ؟
މި ސުވާލާއެކު ނިންމާލެވޭކަށް އަދި ނެތެވެ. ދިވެހިންގެ ލޭނާރު ކަމުގައިވާ މަސްވެރިކަމުގެ ސިނާއަތުގެ މަންފާއަށް ޓަކައި ވަކި ހަމަތަކެއްގެ މަތިން މަސްވެރިކަން ކުރާ އުޅަނދުފަހަރުގައި ބިދޭސިންނަށް ހަރަކާތްތެރިވުމުގެ ހުއްދަ ދޭން ނިންމާފައިވާ ކަމަށް ފިޝަރީޒް މިނިސްޓުރީން ވަނީ ބުނެފައިވެއެވެ.
މިކަން ކަމަށް ނުކުންނާން ބޭނުންވެފައި ތިބި އެތަކެއް ޒުވާނުންނެއް މި ގައުމުގައި މަގުމަތިވެފައި އެބަތިއްބާ ބިދޭސިންނަށް މިފަދަ ފުރުސަތުތައް ދީގެން އުފެއްދުންތެރި ޒުވާނުން ބިނާ ކުރެވިގެން ދާނެތޯއެވެ.
މިކަންކަމަށް ބެލުމެއްނެތި އަދިވެސް ދިވެހި ދައުލަތުގެ ވެރިން މިތިބީ ދިވެހިންގެ ޚަޒާނާ ކޮނެގެން ވެރިންގެ ޖީބު ވަގު ފައިސާއިން ފުރާލަން ބިދޭސީންގެ އަތްމައްޗަށް ޤައުމު ހިތަކަށް ދީގެން އަޗާތަޅާށެވެ.
