ކުރިއަށް އޮތް ރިޔާސީ އިންތިޚާބުގައި ދިވެހި ރައްޔިތުންގެ ޑިމޮކްރެޓިކް ޕާޓީ (އެމްޑީޕީ) އާއެކު ކޯލިޝަން ހެދުމަށް އަދާލަތު ޕާޓީން ނިންމި ނިންމުމަކީ ޤައުމާއި ރައްޔިތުންނަށްޓަކައި ނިންމި ހަރުދަނާ ނިންމުމެއްކަމަށް އެ ޕާޓީން ބުނެފިއެވެ.
އެމްޑީޕީއާއެކު ކޯލިޝަން ހަދަން އަދާލަތުން ނިންމީ މިއަދު ހަވީރު ބޭއްވި އެ ޕާޓީގެ މަޝްވަރާ މަޖިލީހުގެ އަގުލަބިއްޔަތުންނެވެ.
ޢަދާލަތު ޕާޓީން ބުނީ ވޭތުވެދިޔަ ތަނުގައި ތަފާތު އެކި ސިޔާސީ ޕާޓީތަކާއެކު އެ ޕާޓީއަށް ކުރެވިފައިވާ ތަޖުރިބާއާ އެކި ސަރުކާރުތަކުގައި އެ ޕާޓީގެ ސިޔާސަތުތައް ތަންފީޒުކުރަން ލިބުނު ފުރުސަތުތަކަށާއި ސިޔާސީ މާހައުލު މި ވަގުތު އޮތް ގޮތަށް ރިއާޔަތްކުރާ ހިނދު މި ވަގުތުގެ ހާލަތުގައި އިސްލާމްދީނާއި ދިވެހި ޤައުމާއި ރައްޔިތުންގެ އެންމެ މަތީ މަސްލަހަތު އޮތް ގޮތަކީ ވެސް އަދި އެ މަސްލަހަތު ހިމާޔަތްކުރުމަށްޓަކައި އެންމެ ފަހިކޮށް އެ ޕާޓީއަށް މަސައްކަތް ކުރެވެން އޮތީ ރިޔާސީ އިންތިޚާބުގައި ރައީސް ޞާލިޙު އިންތިޚާބު ކޮށްގެން ކަމަށްވާތީ ތާައީދުކުރަން ނިންމީ ކަމަށެވެ.
މި ނިންމުމަށް މަރުހަބާ ކިޔައި އެމްޑީޕީން މިރޭ ނެރުނު ބަޔާނެއްގައި ބުނީ ރައީސް ޞާލިހްގެ ވެރިކަމުގައި ގައުމަށް ގެނެސްދެއްވި ހަމަޖެހުން ދެމިއޮވެ, ރައްޔިތުންނަށް ކުރިއެރުމާއި ފާގަތިކަން ގެނެވޭނީ އިއްތިހާދުގެ ސަރުކާރަކުން ކަމަށް އަދާލަތު ޕާޓީން ގަބޫލުކޮށް އެ ޕާޓީގެ މަޝްވަރާ މަޖިލީހުން ނިންމި ނިންމުމަކީ ގައުމާއި ރައްޔިތުންނަށްޓަކައި ނިންމި ހަރުދަނާ ނިންމުމެއް ކަމަށް ދެކޭ ކަމަށެވެ.
އަދި 2018 ގައި އުފެދުނު މި ވެރިކަމުގައި ރައްޔިތުންނަށް ވީ ވަޢުދުތައް ފުއްދުމުގައި އިޚުލާސްތެރިކަމާއެކު ސަރުކާރަށް އެއްބާރުލުންދީގެން މިހާތަނަށް ދެމިތިބިކަމަށްޓަކައި އަދާލަތު ޕާޓީއަށް ޝުކުރު އަދާކުރާ ކަމަށް ވެސް ބަޔާނުގައި ބުނެފައިވެއެވެ.
Thimaamenge verikan vattaali meysthiri paateeeh kon harudhanaa nimmumeh nimmaanee kon heveh edheynee? Yageenun mihaaruves verikan vattaali dhuvahuge hithi Raha thi MDP ge karubudugaa hunnaane e hithi rahaeh dhuvahakuves nufilaane, dhen balamaa mihaaru ves verikan kuraneekee MDP akun noon, ethah mithanun MDP ge thereah savaaruvi baigandehge araa baaraa nufoozu gadha Koh mihaaru eothee MDP kandu faththaa laafa adhives aiy jahaala jahaala thibey, dheneh migaumugaa seedhaa MDP ge verikameh nukureveyne MDP verikameh kuraa thaneh nufennaane,
verikamuge dhahivethi kamugaa thibi baigandehge athuthereygaa fithi MDP ge roohugaa MDP ge foni meerukamugaa dhen verikameh nukureveyne, namegaa thelhila thelhilaa thibey dhen, migaumakun dhen saafuseedhaa MDP ge verikameh nufennaane, INSHAA,ALLAAHU.