ވެރިކަމަށް އައުމަށްވުރެ މުހިންމީ ޤައުމު އިސްލާހުގެ މަގުން ގެންދިއުމަށް ބާރު އެޅުންކަމަށް ޖުމްހޫރީ ޕާޓީގެ ލީޑަރު ޤާސިމް އިބްރާހިމް ވިދާޅުވެއްޖެއެވެ.
ޖޭޕީން މިއަދު ބޭއްވި 148 ވަނަ ކައުންސިލް ބައްދަލުވުމުގައި ޤާސިމް ވިދާޅުވީ 1984 އިން ފެށިގެން ސިޔާސީ ކަންކަމުގައި އުޅުއްވީ ވެރިކަން ބޭނުންވެވަޑައިގެން ނޫން ކަމުގައެވެ. އަދި އޭރުއްސުރެ ރާއްޖެ އިސްލާހުގެ މަގުން ގެންދިއުމަށް ކުރައްވަންޖެހުނު ކޮންމެ ކަމެއް ކުރައްވަމުން ގެންދަވާ ކަމަށާއި އެންމެ ފުރަތަމަ އެ މަސައްކަތް ފެށްޓެވީ ވިޔަފާރިވެރިންގެ ޖަމްޢިއްޔާގެ ތެރެއިން ކަމަށް އެމަނިކުފާނު ވިދާޅުވިއެވެ.
އޭގެ ފަހުން ރައީސް މައުމޫން ޢަބްދުލްޤައްޔޫމުގެ ޒަޢާމަތުގައި ވަޒީރު ކަމުގައި ހުންނެވިއިރު ވެސް ކުރެއްވީ އިސްލާހުގެ މަސައްކަތް ކަމުގައި ޤާސިމް ވިދާޅުވިއެވެ.
ޤާސިމް ވިދާޅުވީ ވެރިކަމަށް އައުމަށްވުރެ މުހިންމީ ޤައުމު އިސްލާހުގެ މަގުން ގެންދިއުމަށް ބާރު އެޅުން ކަމަށެވެ.
ޤާސިމަކީ އާ ޤާނޫނުއަސާސީގެ މަސައްކަތް ކުރެއްވުމުގައި ވެސް އިސް ދައުރެއް އަދާކުރައްވާފައިވާ ބޭފުޅެކެވެ. ރާއްޖެއަށް މަލްޓި ޕާޓީ ޑިމޮކްރަސީ އައިފަހުން ޤާސިމްގެ އެހީއާނުލައި އެއްވެސް ޕާޓީއަކަށް ވެރިކަމަށް އާދެވިފައެއް ނެތެވެ.
Sumehge meeheh. Gaumu dhavaalan ulhey meeheh
Thiothee Hama hiyalhu meybiskadhurah vee vefaa.