ދަތުރުކުރަމުން ދިޔަ ލޯންޗެއް މޫދުގައި އޮތް ފަތުރުވެރިއެއްގެ ގަޔަށް އަރައި ލިބުނު އަނިޔާތަކާ ގުޅިގެން ނިޔާވެއްޖެއެވެ.
ތުލުސްދޫ ކަނޑުއޮޅިން މިއަދު ދަތުރުކުރަމުން ދިޔަ ލޯންޗެއް އަރާފައިވަނީ ސްނޯކްލިންގއަށް ގޮސް އުޅުނު ފިރިހެން ފަތުރުވެރިއެއްގެ ގަޔަށެވެ. ތުލުސްދޫގައި ޗުއްޓީ ހޭދަކުރަމުންދިޔަ އެ ފަތުރުވެރިޔާއަކީ ކޮން ޤައުމަކަށް ނިސްބަތްވާ މީހެއް ކަމެއް އަދި ސާފެއް ނުވެއެވެ.
އޭނާގެ ގަޔަށް ލޯންޗު އެރުމާ ގުޅިގެން ބައެއް ގުނަވަންތައް ވަކިވެފައިވާ ކަމަށް މަޢުލޫމާތު ލިބެއެވެ.
“އެ ގެސްޓު މީހާ މިހާރު އޮތީ ނިޔާވެފައިކަމަށް ހެލްތު ސެންޓަރުން މަޢުލޫމާތުދެއްވާ. އޭނާގެ އެއް އަތް ވެސް ނެތް. އެ ގޮތުން ފުލުހުން ދަނީ ކަނޑުތެރެއަށް ގެއްލުނު ގުނަވަންތައް ހޯދަން މަސައްކަތް ކުރަމުން.“ ދިޑެއިލީއަށް މަޢުލޫމާތު ދެއްވަމުން ތުލުސްދޫ ކައުންސިލުގެ ރައީސް ދެންމެ ވިދާޅުވިއެވެ.
މިކަމާ ގުޅިގެން ތުލުސްދޫ ހެލްތު ސެންޓަރަށް ގުޅުމުން ވަނީ ފަހުން މަޢުލޫމާތު ހިއްސާކުރައްވާނެ ކަމަށް ވިދާޅުވެފައެވެ.
Kandu dhathuru kuraa route thakaa diving nuvatha snorkeling kuraa sarahahdhuthah vaki nukoh bavvey varah vure mihaaru kaaru baaroo bodu. Adhi moodhah erey touristun ves gina. Mee varah avahah kuraa jehifaivaa kameh.