ގަން އެއާޕޯޓު ތަރައްޤީކުރަން ބަޔަކާ ހަވާލުކުރަނީ

އައްޑޫ ސިޓީ ގަން އެއާޕޯޓު ތަރައްޤީކުރަން ބަޔަކާ ހަވާލުކުރަން ނިންމައިފިއެވެ.

އިކޮނޮމިކް މިނިސްޓްރީން ބުނީ އައްޑޫ ސިޓީ ގަން އެއާޕޯޓު ތަރައްޤީކުރުމުގެ މަޝްރޫޢުގެ ބީލަން ކާމިޔާބުކުރި ފަރާތަށް ”ނޮޓިފިކޭޝަން އޮފް އިންޓެންޝަން ޓު އެވޯޑް“ މިއަދު ހަވާލުކޮށްފައިވާ ކަމުގައެވެ.

މިނިސްޓްރީން ބުނީ ފަސް ދުވަހުގެ ސްޓޭންޑްސްޓިލް މުއްދަތަށްފަހުގައި މާލިއްޔަތުގެ ގަވާއިދުގެ ދަށުން އެ ފަރާތަށް ރަސްމީކޮށް މަޝްރޫޢު އެވޯޑު ކުރެވޭނެ ކަމުގައެވެ.

މިނިސްޓްރީން ހާމަކުރި ގޮތުގައި މި މަޝްރޫޢުގެ ދަށުން އަހަރަކު 1.5 މިލިއަން ފަސިންޖަރުންނަށް ޚިދުމަތް ފޯރުކޮށްދެވޭވަރުގެ ޕެސެންޖަރ ޓާމިނަލެއް ތަރައްޤީ ކުރެވިގެންދާނެއެވެ.

The project entails the development of duty free shops, lounges, restaurants, ATC, cargo facilities, roads and parking areas as well as the expansion of the passenger terminal with the capacity to handle 1.5 million passengers per annum.
— Economy & Trade (@MoEDmv) January 24, 2023

އޭގެއިތުރުން ޑިއުޓީ ފްރީ ފިހާރަތަކާއި، ރެސްޓޯރަންޓްތަކާއި، ކޮންޓްރޯލް ޓަވަރަކާއި، ފަޔަރ ސްޓޭޝަނަކާއި ލައުންޖް ވަސީލަތްތައް ގާއިމުކުރެވިގެންދާނެ ކަމުގައެވެ.

ހަމައެއާއެކު ކޯލްޑް ސްޓޯރޭޖަކާއެކު ކާގޯ ވަސީލަތްތައް ތަރައްޤީ ކުރެވިގެންދާނެ ކަމަށާާއި, އެއާޕޯޓުގެ މަގުތައް ތަރައްޤީ ކުރެވިގެންދާއިރު ޕާކިން ސަރަހައްދެއް ގާއިމުކުރެވޭނެ ކަމުގައި ވެސް މިނިސްޓްރީން ބުންޏެވެ.