ރާއްޖެއަށް މިހާތަނަށް އެންމެ ގިނަ ފަތުރުވެރިން އައި 2019 ވަނަ އަހަރާއި އަޅާބަލާއިރު މިއަހަރު ރާއްޖެއައި ފްރައިވެޓް ޖެޓުތަކުގެ އަދަދު ބޮޑުތަނުން އިތުރުވެފައިވާކަމަށް މޯލްޑިވްސް އެއަރޕޯޓްސް ކޮންޕެނީ ލިމިޓެޑް، އެމްއޭސީއެލްއިން ވިދާޅުވެއްޖެއެވެ.
ADVERTISEMENT
ރާއްޖެއަށް މިއަހަރު އައި 1.6 މިލިއަން ވަނަ ފަތުރުވެރިޔާއަށް މަރުހަބާ ކިޔުމުގެ ރަސްމިއްޔާތުގައި ނޫސްވެރިންނަށް މައުލޫމާތުދެއްވަމުން އެމްއޭސީއެލްގެ ޖެނެރަލް މެނޭޖަރ ހަސަން އަރީފް ވިދާޅުވީ، 2019 ވަނަ އަހަރާއި އަޅާބަލާއިރު މިއަހަރު ރާއްޖެ އައި ޕްރައިވެޓް ޖެޓްތަކާއި އަދި އެއަރކްރާފްޓް މޫމަންޓްވެސް އިތުރުވެފައިވާކަމަށެވެ.
އަރީފް ވިދާޅުވީ، 2019 ވަނަ އަހަރާއި އަޅާބަލާއިރު ޕްރައިވެޓް ޖެޓްތައް ރާއްޖެ އައިސްފައިވާ އަދަދު %53 އިތުރުވެފައިވާކަމަށެވެ. އަދި އެއަރކްރާފްޓް މޫމަންޓްސް %10 އިތުރުވެފައިވާކަމަށެވެ.
