ޓެކްސް ބޮޑުކުރި ނަމަވެސް އެއަށް އަދި އަމަލު ކުރަން ނުފަށަނީސް ތެޔޮ އަގު ބޮޑުވެގެން ކަމަށް ބުނެ ވިޔަފާވެރިން ތަކެތީގެ އަގު ބޮޑުކުރަމުންދާތީ ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒައިނާ އާދަމް (ރޮޒޭ) ކަންބޮޑުވުން ފާޅުކުރައްވައިފި އެވެ.
އެލްމެނިއަމް ދޮރުފަތް ޖަހަން ބޭނުންކުރާ ތަކެތިން މިހާރު ބޮޑުކޮށް އަގު ނަގާތީ އެކަމާ ކަންބޮޑުވުން ފާޅުކޮށް މީހަކު ކުރި ޓްވީޓަކާ ގުޅިގެން ރޮޒައިނާ ކުރެއްވި ޓްވީޓްތަކެއްގައި ވިދާޅުވީ ވިޔަފާވެރިން މިގޮތަށް ރައްޔިތުންނަށް އޮޅުވައިލުން ހުއްޓާލަން ޖެހޭ ކަމަށެވެ.
”ޖީއެސްޓީ ވެސް ބޮޑުވާނީ އަންނަ މަހުން ފެށިގެން. އެކަމަކު މިހާރު އެއްޗެހީގެ އަގު ބޮޑުކޮށްފައި އެބަ ބުނޭ ޖީއެސްޓީ ބޮޑު ވެގެންނޭ، މިއީ ބޮޑުވަރު. ތެޔޮ އަގުބޮޑުވެގެން އަގުބޮޑު ކުރާ އެއްޗިއްސަށް ވެސް ތެޔޮ އަގުހެޔޮ ވިޔަސް ދެން އަގު ހެވެއް ނުކުރޭ.“ ރޮޒައިނާ ވިދާޅުވިއެވެ.
އޭނާ ވިދާޅުވީ ތެޔޮ އަގުބޮޑުވީމަ ތަކެތީގެ އަގު ވެސް ބޮޑުވާނެ ކަމަށް ގަބޫލުކުރައްވާ ކަމަށެވެ.
”ނަމަވެސް ތެޔޮ އަގުބޮޑުވީ ވަރަށް ވުރެ ދެގުނަ އަށް ގިނަ ތަންތަނުން އަގުބޮޑުކޮށްލާފައި މި ހުންނަނީ،“ ”މިއީ ވަރަށް ދެރަ ކަމެއް. މިވަރު ކޮށްލާކަށް ނުވާނެ.“ ރޮޒައިނާ ވިދާޅުވި އެވެ.
އަންނަ މަހުން ފެށިގެން ޖީއެސްޓީ އަށް ނަގަން ނިންމާފައި ވަނީ 6 ޕަސެންޓްގެ ބަދަލުގައި 8 ޕަސެންޓެވެ. އަދި ޓީޖީއެސްޓީން 12 ޕަސެންޓްގެ ބަދަލުގާ ނަގާނީ 16 ޕަސެންޓެވެ. ސަރުކާރުން ބުނެފައިވާ ގޮތުގައި ޓެކްސް ބޮޑުކުރީ ދައުލަތުގެ އާމްދަނީ ރަނގަޅުކުރުމުގެ ގޮތުންނެވެ.
Rashugai kureegai 5 rufiyaa ah huriaafalu mihaarulibenee 7 rufiyaa ah mihaarumivaagotheh neynge balaihallukuraanemeehakuneh kureenaasiruverikamugai sifainneregenves mifadhakankan hallukurey
ތަންދޮރުނުދަންނަ ބީތާއްތޯ ރޮޒޭނާއަކީ ދައުލަތުން ފޭރިގަންނަ ކޮންމެފައިސާއަކީ އެންމެހާ ރަތްޔަތުންގެ އަތުން ފޭރެވޭ އެއްޗެއް ވިޔަފާރި ވެރިޔާ ޖީބު ލޫޓުވާލީމަ އެވިޔަފާރި ދެމެހެއްޓުމައްޓަކައި ތަކެތީގެ އަގުބޮޑުކުރަން މަޖުބޫރުވަަނީކަންވެސް ހަމަނޭގޭ ވަރުގެ ބީތާއެއްތޯ ރޮޒޭނާއަކީ؟