ޢަރަބިއްޔާގެ ޕްރިންސިޕަލް މުޙައްމަދު ޝުޖާއު މިއަދު މަޤާމުން ވަކިކުރުން ބަލައެއްނުގަނެވޭ ކަމަށް ޝައިޚް ޢަލީ ޒައިދު މިރޭ ވިދާޅުވެއްޖެއެވެ.
ޢަރަބިއްޔާ ސްކޫލުގެ ޕްރިންސިޕަލް މުޙައްމަދު ޝުޖާއު އެ މަޤާމުން ވަކިކުރުމަށްފަހު ވަނީ ނެޝަނަލް އިންސްޓިޓިއުޓް އޮފް އެޑިއުކޭޝަނަށް ބަދަލުކޮށްފައެވެ. އަދި ޢަރަބިއްޔާ ހިންގުން ހަވާލުކުރީ އިސްކަންދަރު ސްކޫލުގެ ޕްރިންސިޕަލް ޙުސައިން ސަޢީދާއެވެ.
އެ ގޮތުން ބެލެނިވެރިން މުޒާހަރާ ކުރަމުންދާއިރު ޒައިދު ވިދާޅުވީ ޢަރަބިއްޔާ މައްސަލައިގައި ކަންބޮޑުވުންތައް އިންތިހާއަށް އޮތްއިރު ކުއްލިއަކަށް ޕްރިންސިޕަލް އެ ސްކޫލްއިން ވަކިކުރުމަކީ ބަލައިގަންނަން ދަތި ނިންމުމެއް ކަމަށެވެ. އަދި ވަޒީފާއިން ވަކިކުރުމުގެ އާ އުކުޅަކީ ތަންބަދަލުކުރުން ކަމަށް ޒަައިދު ވިދާޅުވިއެވެ.
”ޢަރަބިއްޔާއާ މެދު ހެޔޮ ނިޔަތުގައި ހަރުދަނާ މަސައްކަތް ކުރާނެ ބަޔަކު ބޭނުންވޭ“ ޒަައިދު ވިދާޅުވިއެވެ.
އެޑިއުކޭޝަނުން މިރޭ ބުނި ގޮތުގައި އެ ބަދަލު ގެނައީ ޢަރަބިއްޔާގެ ކިޔެވުން އިތުރަށް ހަރުދަނާކޮށް ކުދިންނަށް ކަންކަން ފަހިވާ ގޮތަށް ކަންކަން ރާވައި އިންތިޒާމު ކުރުމުގެ ގޮތުން ކަމަށެވެ. އަދި ދަރިވަރުންގެ ތަޢުލީމީ ފެންވަރު ރަނގަޅުކުރުމަށް ގެންނަންޖެހޭ ބަދަލުތައްގެނައުމަކީ އެ އަބަދުވެސް ކުރަމުންދާ މަސައްކަތެއް ކަމަށް ވެސް އެ މިނިސްޓްރީން ބުންޏެވެ.
thi group ah balaiganevey kameh oveytho? ragalhu eh gotheh neiy bayakan dhen dhuniyega ulhunee baneeisrailge meehun. Manna aai salavaa beynunvaa meehun.