ޕީޕީއެމްއިން އިއްޔެ ބޭއްވި އިންތިޚާބު އޮމާންކޮށް ކުރިއަށްދިޔައީ ރައީސް އިބްރާހިމް މުޙައްމަދު ޞާލިޙްގެ ހެޔޮފުޅުކަމުންނެއް ނޫންކަމަށް ރައީސް ޔާމީން ޢަބްދުލްޤައްޔޫމް މިއަދު ވިދާޅުވެއްޖެއެވެ.
ޕީޕީއެމްއިން އިއްޔެ ބޭއްވި އިދާރީ ދާއިރާތަކަށް ރައީސުން ކަނޑައެޅުމުގެ އިންތިޚާބަށް މަރުހަބާ ވިދާޅުވެ ކުރެއްވި ޓުވީޓެއްގައި އެމްޑީޕީގެ ޗެއާޕާސަން ފައްޔާޟް އިސްމާޢީލް ވިދާޅުވީ ސިޔާސީ މިފަދަ ހަރަކާތްތަކަށް މިއަދުގެ ރައީސް ޞާލިޙް ފުލުހުން ފޮނުވައިގެން ނުހުއްޓުވާކަމީ މިހާރު އޮތް ސިޔާސީ މިނިވަންކަމުގެ ހެއްކެއް ކަމަށެވެ. މީގެ ފަސް އަހަރު ކުރިއާ މިއަދުގެ މަންޒަރު ކިތަންމެހާ ވެސް ތަފާތު ކަމަށާއި އޭރު ފުލުހުން ވޯޓު ފޮށި ބަލައި އައިކަން ފައްޔާޟް ފާހަގަކުރެއްވިއެވެ.
ފައްޔާޟް އެ ޢިޝާރަތް ކުރައްވަނީ ރައީސް ޔާމީންގެ ޒަޢާމަތުގައި 2018 ވަނަ އަހަރުގެ ރިޔާަސީ އިންތިޚާބަށް ކެންޑިޑޭޓަކު ހޮވުމަށް އެމްޑީޕީން ބޭއްވި ޕްރައިމަރީ އިންތިޚާބަށެވެ. އެ އިންތިޚާބު ކުރިއަށްދިޔައިރު އޭރުގެ ސަރުކާރުން ފުލުހުން ފޮނުވައިގެން އެކަމަށް ހުރަސްއެޅިކަން ފާހަގަކޮށްލެވެއެވެ.
ޕީޕއެމްއިން އައްޑޫ ސިޓީ ފޭދޫގައި މިއަދު ޖަލްސާގައި ދެއްކެވި ވާހަކަފުޅުގައި ރައީސް ޔާމީން ވިދާޅުވީ އިއްޔެގެ އިންތިޚާބަހަކީ އޮމާންކަމާއެކު ކުރިއަށްދިޔަ އަދި މިހާތަނަށް ރާއްޖެ ނުދެކޭފަދަ ވަރުގަދަ އިންތިޚާބެއް ކަމަށެވެ. އަދި އިއްޔެގެ އިންތިޚާބު އޮމާންކޮށް ކުރިއަށްދިޔައީ ރައީސް ޞާލިޙް ހެޔޮފުޅުކަމުން ފުލުހުން ނުފޮނުވުމުން ނޫން ކަމަށެވެ.
ރައީސް ޔާމީން އިތުރަށް ވިދާޅުވީ އެ މަނިކުފާނުގެ ސަރުކާރުގައި އެމްޑީޕީން ބޭއްވި އިންތިޚާބު ހުއްޓުވަން ފުލުހުން ފޮނުވީ އެ ބޭފުޅުންނަށް ވޯޓު ގުނުމުގެ ކަންތައްތައް ނުކުރެވިގެން ކަމަށާއި ވޯޓު ގުނަންޖެހުނީ ވެސް ފުލުހުންނާ ކަމަށެވެ.
Dhen keevvethoa thihaa heyofulhu raeesaku RY nuhaggun jalah laigen aniyaa verivee??
Polihun fonuvan nujehenees keevvegen ppm ofees dhorumatheega kuraa ihuthijaaju thahkugaa polihun fonuvaigen aniyaa kuree? E ee ves hama raeesge hoyofulhukamunthoa??
Bala inthikhaabu Beyvvee, mulhi gaumugaa dhuppaan Koh samgugeri soojer boigen ulhey vaththarah nooneyy, dhen kon poliheh fonuvaakah onnaanee, mihaaru engijje ethanah ves polihun fonuvan ulhefikan, namaves ethanah dhaan polihun ebbas nuveekan ves.
ސުރުޚީ އާއި ޚަބަރާއި ދިމާނުވޭ