ކްރިމިނަލް ކޯޓުގައި މިއަދު ބޭއްވި އަޑުއެހުމެއްގައި ސިއްރު ހެކިވެރިއެއްގެ ގޮތުގައި ދައުލަތުން ހުށަހެޅި ހެކިވެރިޔާ ނަން ހާމަކޮށް ބޮޑެތި ތުހުމަތުތަކެއް ކޮށްފިއެވެ.
އެކަން ހިނގީ ހއ.މޮޅަދޫ/ބަހާރުގޭ އަލިމަނިކާއި ހއ.ހޯރަފުށި/އަލަނާސިގޭ މުޙައްމަދު ތަސްލީމަށް އުފުލާފައިވާ ދަޢުވާތަކާ ގުޅިގެން މިއަދު ބޭއްވި އަޑުއެހުމުގައެވެ.
އެ ދެ މީހުން ހައްޔަރުކުރީ ރައްޔިތުން މަޖިލީހުގެ ރައީސް އަދި ކުރީގެ މުޙައްމަދު ނަޝީދު އަވަހާރަކޮށްލަން މިދިޔަ އަހަރުގެ މެއި މަހުގެ 06 ވަނަ ދުވަހު ދިން ބޮމުގެ ހަމަލާއާއި ގުޅިގެންނެވެ.
ނަމަވެސް އެ މީހުންގެ މައްޗަށް އުފުލާފައިވަނީ ޓެރަރިސްޓު ޖަމާޢަތަކަށް ތާއީދުކުރުމުގެ ކުށުގެ ދަޢުވާއެވެ.
ކްރިމިނަލް ކޯޓުން މިއަދު ބޭއްވި އަޑުއެހުމުގައި ދައުލަތުން ހުށަހެޅި ސިއްރު ހެކިވެރިޔާގެ އަޑު ބަދަލުކޮށްގެން ހެކިބަސް ނަގަން ފެށުމާއެކު އޭނާ ވަނީ ނަން ބުނެފައެވެ. ހެކިބަސް ދޭން މަޖުބޫރުކޮށް އޭނާއަށް އަނިޔާކޮށްފައިވާ ކަމަށް ވެސް ބުންޏެވެ.
އެ ގޮތުން ދައުލަތުން އެދިގެން އަޑުއެހުން މެދުކަނޑައިލިއެވެ.
އަދި އަޑުއެހުން އަލުން އަޑުއެހުން ފެށުމުން ދައުލަތުގެ ވަކީލު ވަނީ ސިއްރު ހެކިވެރިޔާގެ ހެކިބަސް ނެގުމާމެދު އިތުރަށް މަޝްވަރާ ކުރަން ބޭނުންވާ ކަމަށް ބުނެފައެވެ. މަޝްވަރާ ކުރުމަށްފަހު ނިންމާ ގޮތެއް އެއް ދުވަހުގެ ތެރޭގައި ޝަރީޢަތަށް އަންގާނެކަމަށް ވެސް ބުންޏެވެ. އަދި ދައުލަތުގެ ވަކީލު ވަނީ މީޑިއާތަކުން ޚަބަރު ގެނެސްދޭއިރު އެ ހެކިވެރިޔާއަކީ ކާކުކަން އެނގޭ ގޮތަށް ޚަބަރު ގެނެސް ނުދިނުމަށް ވެސް އެދިފައެވެ.
ހަމައެއާއެކު ޝަރީޢަތުން ވެސް ވަނީ ސިއްރު ހެކިވެރިޔާގެ ސިއްރުކަން ހާމަނުކުރުމަށް އިލްތިމާސްކޮށްފައެވެ.
Mihaaru thiothee Careeathun ves dhoguhekidheyn engifaa thee varah ves gellun huri kamehshareeathugaa insaafu onnan jeheyne komme meehakah ves, evves kameh dhoguhadhaa olhuvaalaigen haasil kuraakah nujeheyne, migothah kanthah kuraanamoa koatu thakah kihineththoa ithubaaru kuraaneee???