ދިވެހިރާއްޖެ (މަހަލްދީބް)، ޝުވާދީބް (އައްޑޫ، ފުވައްމުލައް، ހުވަނދޫ ދެބުރި) އިނގިރޭސިން އަތުން މިނިވަންވިއިރު ރާއްޖޭގެ ޖިއޮގްރަފީ ސަރަޚައްދުގައި ހިމެނޭ ލަކްޝަދީބް (މަލިކު ހިމެނޭ އަތޮޅުތައް) އަދި ފެހެންދީބް (ފޯޅަވަހި ހިމެނޭ ޗާގޯސް އަތޮޅުތައް) ހޯދުމަށް އިބްރާހީމް ނާސިރުގެ ސަރުކާރުން ދުނިޔޭގެ އެއްވެސް އިދާރާއެއްގައި ވަކާލާތުކުރިކަން އެއްވެސް ލިޔެކިޔުމަކުން އެނގެން ނެތްކަމަށް މަޝަހޫރު ޤާނޫނީ ވަކީލު މުޙައްމަދު ނިޝާން އިބްރާހީމް ވިދާޅުވެއްޖެއެވެ.
ދިވެހިރާއްޖޭގެ އިޤްތިސާދީ ސަރަޚައްދުން ބައެއް ގެއްލޭކަމަށް ދެކެވެމުން އަންނަ ވާހަކައާއި ގުޅިގެން ނިޝާން ވިދާޅުވީ، އިނގިރޭސީންގެ އަތްދަށުން ރާއްޖެ މިނިވަންވިއިރު، އިބްރާހީމް ނާސިރުގެ ސަރުކާރަށް ހޯދުނީ ހަމައެކަނި ރާއްޖޭގެ ދެކުނުން އައްޑޫ،ހުވަނދޫ ފުވައްމުލައް އެކަނި ކަމަށެވެ. ރާއްޖޭގެ އެންމެ އުތުރުން މަލިކު ހިމެނޭ އަތޮޅުތައް ޤުރުބާންކޮށް ދޫކޮށްލާފައިވާކަމަށާއި، ދެކުނުން ޗާގޯސްގެ އަތޮޅުތައްވެސް ހޯދުމަށް އިނގިރޭސިންނާއިވެސް އަދި ދުނިޔޭގެ އެއްވެސް އިދާރާއަކާއިވެސް މަޝްވަރާކުރިކަން އެނގެން ނެތްކަމަށް ތާރީހުން ފެންނަން އެބަ އޮތްކަމަށް އޭނާ ވިދާޅުވިއެވެ.
ނިޝާން އިތުރަށް ވިދާޅުވީ، މަރްހޫމް އިބްރާހީމް ނާސިރުގެ ސަރުކާރަށްފަހު އައި ދިގު ވެރިކަންތަކުގައިވެސް އެއިންއެއްވެސް ކަމެއް ދިވެހި ދައުލަތުން އިސްވެކޮށްފައިނުވާކަމަށާއި، އަބަދުވެސް މަލިކާއި ޗާގޯސްގެ މައްސަލަ އެހެން ޤައުމުތަކުން ބައިނަލް އަޤްވާމީ ކޯޓުތަކަށް ހުށަހެޅުމުން ރާއްޖެއިން އޮންނަނީ މަންޒަރުބަލަންކަމަށާއި، މޮޅުވާނެކަން ކަށަވަރުވާ ފަޅި ނަނގައިގެން އެފަޅިއަށް އަރާމަންޒަރު ފެންނަމުންދާކަމަށެވެ.
މިމައްސަލައިގައި ދައުލަތުގެ ސިޔާސަތު ބަދަލުވަމުން އަންނަކަން ފާހަގަކުރަމުން ނިޝާން ވިދާޅުވީ، ފުރަމަ ދުވަހުން ފެށިގެން މިކަމުގައި ވަކާލާތުކުރިނަމަ އެތަންތަނަކީ ދިވެހިންގެ ތަންތަންކަމުގައި ހަމަޖެހިފައި އޮތީސްކަމަށް ޤަބޫލުކުރާކަމަށެވެ.
މިކަމާއި ގުޅިގެން އަދު ސަރުކާރުން ތަކުރާރުކޮށް ބުނަމުން އަންނަ ވާހަކައަކީ، ސަރުކާރުން ޗާގޮސްއާއި މެދު ނަގާފައިވާ ސްޓޭންޑް ބަދަލްކޮށްފައިނުވާނެކަމަށެވެ.
ނިޝަންވެސް މިހާރު މޮޔަފުޅުޒާތަކަށް ވާހަކަދައްކަވާހެން ހީވަނީ. މަހަލްދީބަކީ މުޅި ދިވެހިރާއްޖެ. ސުވައިދީބަކީ ދެކުނުގެ ގަޑުބަޑުގެ ތެރެއިން އިނގިރޭސިން އުފަންކުރިވި ނަމެއް. އެކަންވަނީ ތާރީޚުން ފެންނަން. ފޯޅުވަހި ހޯދަން ދިވެހިން ނުއުޅުނީ އިނގިރޭސީންނާ ކުރިމަތިލުމުގެ ޤާބިލުކަން ނެތުމުން. ދެންތިކިޔާ ލަކްޝަދީވް ރާއްޖޭގެ ބަޔަކަށް ހެދޭހާ ދިވެހި ދައުލަތަކީ ބާރެއް ހުރި ދައުލަތެއްނޫން. އެކަމަކު އެތަނުގެ ބަހުރުވަޔާ އާދަކާދައިން ދިވެހި އެންމެ ބޯދާގޮތް ފެނޭ. އެހެނޭ ކިޔާފަ ޒަމާންބަދަލުވެ ލިބެންހުރި ހެކިތަކުގެ މައްޗައް ރާއްޖޭގެ ބޯޑަރު ކަނޑައެޅުމުގެ ޙައްޤު ދިވެހީންނަށް ލިބިގެންވޭ. އެއަށް ޣައްދާރުވި ބަޔަކަށް މާފެއްނޯންނާނެ. ވަރަށް ސަލާމް.
އަދު ތިމާއީ މަޝްހޫރު ގާނޫނީ ވަކީލަކަށް ވުމުން ނިޝާނަށް ތިކަމުގާ ކުރެވުނީ ކޮންކަމެއް ތޯ ؟
ތިޔައީ ނާސީރަށް ފަހު އަދި އޭގެ ކުރިން ވެސް ރާއްޖެ ދުށް ވެރިންގެ ފިނޑިކަމުން ގެއްލި ދިޔަ މި ގައުމުގެ ރަށްތަކެއް. މިހާރުވެސް ރާއްޖޭގެ ކޯޓެއްގައި ނުވަތަ ބައިނަލް އަގުވާމީ ކޯޓެއްގައި ތިކަމާ އަވަހަށް ދައުވާކުރާނެހާ ހަކަތަ އަދު ނެތީތޯ. އާޒިމާ ދިޔާނާ. މުނައްވަރު. ރިފްއަތު މިއީ ގާނޫނީ މީހުންތޯ ؟