ރާއްޖޭގެ ޚާއްސަ އިގުތިސާދީ ކަނޑުގެ ސަރަހައްދާއި ޗާގޯސްގެ ކަނޑުގެ ސަރަހައްދުގައި ފުށުއެރުންތަކެއް ހުރިކަމަށް ބުނެ ބައިނަލްއަގްވާމީ ޓްރައިބިއުނަލަށް މޮރިޝަސްގެ ފަރާތުން ހުށަހަޅާފައިވާ މައްސަލައިގައި ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ދެއްކެވި ވާހަކަތަކާ ގުޅިގެން އައްޑޫ ސިޓީ މަރަދޫ ދާއިރާގެ މެންބަރު އިބްރާހިމް ޝަރީފް (މަވޯޓާ) ރައްދެއް ދެއްވައިފިއެވެ.
”ފޯޅަވަހި: ރާއްޖޭގެ ފަޅު ރަށެއް“ މި ނަމުގައި މީގެ ދެ ދުވަސްކުރިން ނަޝީދު ޢާންމުކުރެއްވި ލިޔުމެއްގައި ވިދާޅުވެފައިވަނީ ފޯއްޅަވައްސައް ދިވެހިން ކިޔާ އަނެއް ނަމަކީ ފޯއްޅަވައި ކަމަށާއި, ދެ ނަމަކީ އެއް ނަމެއްކަމަށް ފެނިވަޑައިގަންނަވާ ކަމަށެވެ.
”ޅަވައްސައި ޅަވައި، ބަހުގައި އެވަނީ ވަކި ބާވަތެއްގެ ވައިކަމުގައި ފެނެއެވެ. ފޯއްޅަވައްސައި އެކުގައި ރާއްޖޭގެ އެހެން ރަށެއް މާ ބޮޑަށް ވެސް ފާހަގަވެއެވެ. ފުވައްމުލަކެވެ. އަނެއްކާ ވެސް ނަމުގައި އެއްގޮތްތަކެއް ފާހަގަވެއެވެ.“ ނަޝީދު ވިދާޅުވެފައިވެއެވެ.
ނަޝީދު ވިދާޅުވި ގޮތުގައި އިނގިރޭސި ދައުލަތުން ޗާގޯސް ރިޖްގެ ރަށްރަށުން ފައިބާ އިރެއްގައި ޑިއޭގޯ ގާސިއާއާއި އަދި އެހެން ބައެއް އަތޮޅުތައް މޮރިޝަސްގެ ސިޔާަދަތީ ބާރުގެ ދަަށަށް ފުރޮޅުނު ނަމަވެސް ފޯޅަވަހީގެ ސިޔާދަތީ ބާރުވެރިކަން ލިބުން އެންމެ ޙައްޤީ ދިވެހިންނަށް ކަމަށެވެ. އަދި މޮރިޝަސްއާއި އަބަދުވެސް ދެކެވުނު ވާހަކައަކީ ޗާގޮސް ރިޖްގެ ރަށްތައް ބަހާ ވާހަކައެއް ކަމަށެވެ.
ރައީސް ނަޝީދު ކުރިން ވިދާޅުވި ގޮތުގައި ފޯޅަވައްސަކީ ރާއްޖޭގެ ތަނެއް ނޫންކަމަށް ބުނެވޭނެ ޖާގައެއް ނެތެވެ.
ޝަރީފް މިރޭ ކުރެއްވި ޓްވީޓު ފައްޗެއްގައި ވަނީ ފޯޅަވަހީގެ ސިޔާދަތީ ބާރު އޮތީ ތިމަންނާމެންނަށޭ ބުނެ މޮރިޝަސްއިން އެކިއެކި ކޯޓުތަކުގައި ދަޢުވާކުރަމުންދިޔައިރު ތިއްބެވި އެޓާނީ ޖެނެރަލުންނާއި ފޮރިން މިނިސްޓަރުންނާއި ރައީސުން އެކަމާ އެއްވެސް ކަމެއް ނުކުރައްވައި، ކޯޓަކަށް ނުވަތަ އދ. ގެ އެއްވެސް ކޮމިޓީއަކަށް މައްސަލަ ހުށަނާޅުއްވާފައި މިހާރު ތި ދައްކަވަނީ ކޮން ވާހަކަތަކެއްތޯ ސުވާލު ކުރައްވައިފައެވެ.
އަދި މޮރިޝަސް ދުނިޔޭގައި އޮތްހައި ކޯޓަކަށް ގޮސް ފޯޅަވައްސަކީ އެބައިމީހުންގެ ސިޔާދަތީ ބާރު ހިނގާ ތަނެއްކަމަށް ވަކާލާތުކޮށް ކާމިޔާބު ހޯދިއިރު، ފުވައްމުލަކާއި ފޯޅަވަހި އެއީ ވައްތަރުގެ ދެ ނަން ކަމަށާއި، އެހެންވީމާ ޗާގޯސް ވާނީ ރާއްޖޭގެ ރަށެއްކަމަށް ވިދާޅުވާ ބޭފުޅުން ކޮބައިތޯ ސުވާލުކުރައްވައިފައެވެ.
މީގެ ކުރިން އިކޮނޮމިކް މިނިސްޓަރު ފައްޔާޟް އިސްމާޢީލް ކުރެއްވި ޓުވީޓެއްގައި ވަނީ 2011 ގައި ނަޝީދު ވެރިކަމުގައި ހުންނެވިއިރު ފޯޅަވައްސަކީ ރާއްޖޭގެ ބަޔެއްކަމަށް ދެކެވަޑައިގަންނަވާނަމަ މޮރިޝަޝްއާއެކު އިން ވަކިކުރަން އެއްބަސްވީ ކީއްވެތޯ ވެސް ސުވާލު ކުރައްވައިފައެވެ.
ހޯޅަވައްސާ
ޗާގޯސްގެ މައްސަލައިގައި ރައީސް ނަޝީދުވަރުވެސް މިމަވޯޓާ ނުވި އެހެންތާ ވާނީ ސާލިހުގެ ސަރުކާރުން އަޅާބައި ނުލިބިދާނެތީ އެހެރީ ފައސާގެދަހިވެތިކަމުން މީހާއެހެރީ ހޭބަލިވެފަ ވިއްޔާ ކޮނމެސަރުކާރަކުންވެސް މިހާއިނުން ބަލަނީ އެތިވަރުތަކެއް ކައްވާލެވޭތޯ މީ ހަމަ ސީދާ ގައުމު ލޫޓުވި ހާއިނުން އެތިބީއެއްނޫން ޓެކުސް ބޮޑުކުރަން ވޯޓުދީގެން ރައްޔިތުންނުކުރާށޭ ގޮވަ ގޮވާ ތިއްބާ ވެސް އެއަޑުވެސް ނޭހި