ދެ ގޮތެއްނުވެ ހަމައެކަނި އެއް ގޮތަކަށް ބަރުލަމާނީ ނިޒާމުގެ ވާހަކަ މި ދައްކަވަނީ ހަމައެކަނި އެ މަނިކުފާނު ކަމަށާއި ނަމަވެސް ބައެއް ބޭފުޅުންގެ ބަސް ދެއިރު ދެ ގޮތަށް ބަދަލުވަމުންދާތީ ރައްޔިތުންނަށް ކަންކަން އޮޅޭ ގޮތް ވާ ކަމަށް ރައްޔިތުން މަޖިލީހުގެ ރައީސް އަދި ކުރީގެ ރައީސް މުޙައްމަދު ނަޝީދު މިރޭ ވިދާޅުވެއްޖެއެވެ.
ރާއްޖެއަށް ބަރުލަމާނީ ނިޒާމް ގެނައުމަށްޓަކައި ފެންނަ ނުފެންނަ ވޯޓެއް ނަގައި, އެ ވޯޓުގެ ނަތީޖާއަކީ ރާއްޖޭގައި އޮންނަން ފެންނަ ނިޒާމަކީ ބަރުލަމާނީ ނިޒާމުކަމަށް ފާސްވެއްޖެނަމަ ޤާނޫނުއަސާސީއަށް އެ ބަދަލުތައް ގެނައުމަށް ހުށަހެޅުމަށް އެމްޑީޕީ ކޮންގްރެސްއަށް ނަޝީދު ވަނީ ޤަރާރެއް ހުށަހަޅުއްވައިފައެވެ. ނަމަވެސް ރައީސް އިބްރާހިމް މުޙައްމަދު ޞާލިޙް ވަނީ އެ ޤަރާރު އަނބުރާ ގެންދެވުމަށް ގޮވައިލައްވާފައެވެ. އަދި ބަރުލަމާނީ ނިޒާމަށް ތާއީދު ނުކުރައްވާކަމަށް ވެސް ވިދާޅުވެފައެވެ.
ނަމަވެސް ރައީސް ޞާލިޙް މީގެ ކުރިން ވަނީ ބަރުލަމާނީ ނިޒާމަށް ތާއީދު ކުރައްވައި އެ ނިޒާމު ގެނައުމަށް މަސައްކަތް ކުރައްވާފައެވެ.
އެމްޑީޕީ ހަރުގޭގައި ބަރުލަމާނީ ނިޒާމާ ގުޅޭ ގޮތުން ވާހަކަ ދައްކަވަމުން ނަޝީދު މިރޭ ވިދާޅުވީ އެ މަނިކުފާނަކީ ފެށުނީއްސުރެ ވެސް ބަރުލަމާނީއަށް ތާއީދުކުރާ މީހެއް ކަމަށެވެ. އަދި މި ވާހަކަ އެއް ގޮތަކަށް ދައްކާ ހަމައެކަނި މީހަކީ އެ މަނިކުފާނު ކަމަށެވެ.
ނަމަވެސް ނޫސްތަކުގެ ހެޑްލައިން ހެއްދެވުމަށްޓަކާ އެކިއެކި ސިޔާސީ ބޭފުޅުން ކުރިން ވިދާޅުވި ބަސްފުޅާ އިދިކޮޅަށް މިއަދު ބަސް ވިދާޅުވަމުންދާކަމަށް ވެސް ނަޝީދު ވިދާޅުވިއެވެ.
”އަޅުގަނޑު އެދެން ރާއްޖޭގެ ރައްޔިތުން ފާހަގަކުރައްވަން ނުވަތަ ގަބޫލުކުރައްވަން.. އަޅުގަނޑު ނޫން އެހެން އެއްވެސް މީހަކު ނުހުންނާނެ ދެ ގޮތެެއްނުވެ ހަމައެކަނި އެއް ގޮތަކަށް މި ވާހަކަ ދައްކާ. މިއަދު ނޫސްތަކުގެ ހެޑްލައިން ހެއްދެވުމަށްޓަކާ އެކިއެކި ސިޔާސީ ބޭފުޅުން ބަސްފުޅު ވިދާޅުވޭ. އެހެންނަމަވެސް ވިދާޅުވެވެނީ ކުރީ ދުވަހުގެ ނޫހުގެ ހެޑްލައިނާ ކަނޑައެޅިގެން އިދިކޮޅަށް. އެ ބޭފުޅާ ވިދާޅުވެފާ އޮންނަ ބަސްތަކެއް.“
ރައްޔިތުންނަށް ކަންކަން އޮޅޭ އެންމެ ބޮޑު ސަބަބަކީ އެއީ ކަމަށާއި ދެ ފަހަރު ދެ ގޮތަށް ބަސްބުނެ ކަންކަން ކުރަމުން ގެންދާނަމަ ދެ ގޮތެއްނުވެ އަޒުމުގައި ނުތިބެވޭނެ ކަމަށް ނަޝީދު ވިދާޅުވިއެވެ.
Thiya kamugai emme kureega huri mee hakee hama thiya meehaa . Emme fahun dhekki photo gandu ge vaahaka ah balaa gudo gudo thimaage vaa haka thiya dhakka nee
މީދެން ކާކު.. ގައުމަށްޖެހިފަ އޮތް ބަލާ މުސިބާތެއް މީ.. މީނަ އާއި މައުމޫނު އާއި ހެދި ނެތް މިގައުމުގަ އެހެން މީހަކަށް ނޭވާވެސް ލެވޭކަށް… ސިޔާސީ ހުރިހާ އެއްޗިހިން ވެގެން މުޅި ގައުމު ފަސާދަ ކޮށްފި އަދިވެސް ތިބޭ ވާނުވާގަ އަތްޖަހަން.
ގުދޯގުދޯ ގޮވަނީ