މާލޭގައި އަންހެނަކު ރޭޕްކުރި މައްސަލައެއް ފުލުހުން ބަލަން ފަށައިފިއެވެ.
ފުލުހުން ބުނީ އެފަދަ މައްސަލައެއް އިއްޔެ ފުލުހުންނަށް ރިޕޯޓުކޮށްފައިވާ ކަމަށެވެ.
“މާލޭގައި އަންހެނަކު ރޭޕްކުރި މައްސަލައެއް އޮގަސްޓު 8 ވަނަ ދުވަހު ފުލުހުންނަށް ރިޕޯޓުކޮށްފައިވޭ.“
ފުލުހުން ބުނީ އެ މައްސަލަ ތަޙްޤީޤުކުރަމުންދާ ކަމަށެވެ.
ސޯޝަލް މީޑިއާގައި ޒުވާން އަންހެން ކުއްޖަކު ވަނީ ދިވެހި ފިރިހެނެއްގެ ފޮޓޯ ޕޯސްޓުކޮށް، އެ ފިރިހެންމީހާ އެ އަންހެން މީހާއާ ގަދަކަމުން ބެހިފައިވާކަމަށް ބުނެފައެވެ.
މި މައްސަލައާ ގުޅިގެން އަދި މީހަކު ހައްޔަރުކޮށްފައެއް ނުވެއެވެ.