ޅ އަތޮޅު ފެލިވަރުން ކޮވިޑް 19 އަށް ފައްސިވި މީހުންގެ އަދައު 347 އަށް އަރާފައި ވާކަމަށް ހެލްތު އިމަރޖެންސީ އޮޕަރޭޝަން ސެންޓަރުން ބުނެފިއެވެ.
އެޗްއީއޯސީއިން މިރޭ ބޭއްވު ނޫސްވެރިންގެ ބައްދަލުވުމުގައި، ނޫސްވެރިންނަށް މައުލޫމާތު ދެމުން އެސެންޓަރުގެ ތަރުޖަމާން ޑރ ނަޒްލާ ރަފީގް ވިދާޅުވީ، ރާއްޖޭގެ އަތޮޅުތަކުން މިހާތަނަށް ކޮވިޑް 19 ގެ 925 އެކްޓިވް ކޭސް އެއް ފެނިފައިވާ ކަމަށާއި، މިކޭސްތައް ފެނިފައިވަނީ، ރާއްޖޭގެ 65 ރަށަކުން ކަމަށެވެ.
އަދި މިހާތަނަށް އަތޮޅުތެރެއިން އެއް ރަށަކުން އެންމެ ގިނަ މީހުން ބައްޔަށް ފައްސިވެފައިވަނީ، ޅ އަތޮޅު ފެލިވަރުން ކަމަށާއި، އެރަށުން 347 މީހަކު ބައްޔަށް ފައްސިވެފައި ވާއިރު، އެފަރާތްތަކާއި، އެއްތަނަކުވީ މީހުންގެ ގޮތުގައި މިހާތަނަށް 550 ފަރާތެއް ދެނެގަނެވިފައިވާކަމަށެވެ. އަދި މިއަދާއި ހަމައަށް އެރަށުން 750 ސުންކެއް ނަގާފައި ވާކަމަށްވެސް ޑރ ނަޒްލާ ވަނީ ވިދާޅުވެފައެވެ.
މީގެ އިތުރުން ޑރ ނަޒްލާ ވިދާޅުވީ ޅ ނައިފަރާއި، ކ ދިއްފުށިންވެސް ގިނަ އަދަދެއްގެ ބަޔަކު ބައްޔަށް ފައްސިވެފައި ވާކަމަށެވެ. އެގޮތުން ނައިފަރުން މިހާތަނަށް 179 މީހަކޔ ބައްޔަށް ފައްސިވެފައި ވާކަމަށާއި، އެމީހުންގެ ކޮންޓެކްޓުންގެ ގޮތުގައި 245 ފަރާތެއް ދެނެގަނެވިފައި ވާކަމަށެވެ. އަދި ދިއްފުށިން މިވަގުތާއި ހަމައަށް 105 މީހަކު ބައްޔަށް ފައްސިވެފައި ވާއިރު، އެމީހުންގެ ކޮންޓެކްޓުންގެ ގޮތުގައި 730 މީހަކު ފާހަގަކުރެވިފައި ވާކަމަށްވެސް ވަނީ ވިދާޅުވެފައެވެ.
މިހާތަނަށް ރާއްޖެއިން ޖުމްލަ ބައްޔަށް ފައްސިވި މީހުންގެ އަދަދު ވަނީ 24782 އަށް އަރާފައެވެ. ހަމައެހެންމެ މިހާތަނަށް 21646 މީހުން ބަލިން ރަނގަޅުވެފައިވެއެވެ. އަދި މިހާރު ފަރުވާދެމުން އަންނަނީ 3061 މީހުންނަށެވެ. އޭގެތެރެއިން 83 މީހުންނަށް ފަރުވާދެނީ ހޮސްޕިޓަލުގައެވެ. ކޮވިޑް ޖެހިގެން ރާއްޖެއިން ނިޔާވެފައިވަނީ ޖުމްލަ 67 މީހުންނެވެ.
Felivaruge is verin nah adhabu dheyn jehey covid baleege alaamaaithah felivarun february mahun feshigen fennan fashaafi 50-60 sutaafun balive duty ah nunikume thibey iruves test nuhadhaa sirru kohgen thibee natheejaa mifenunee uthuruge n,r,b,lh,4 atholhu biruverikamah vattaalee mi massala balanjehey.