މޯލްޑިވްސް ޓްރާންސްޕޯޓިން އެންޑް ކޮންޓްރެކްޓިން ކޮމްޕެނީ (އެމްޓީސީސީ) އަކީ އުތުރު ތިލަފަޅު ތަރައްގީ ކުރެވޭ ވަރުގެ ގާބިލް ކުންފުންޏެއް ކަމަށް އެމްޓީސީސީގެ މެނޭޖިންގެ ޑިރެކްޓަރު އަހުމަދް އާޒިމް ވިދާޅުވެއްޖެއެވެ.
ރާއްޖޭގެ އޮންލައިން ނޫހަކަށް ދިން ބަސްދީ ގަތުމެއްގައި އެމަނިކުފާނު ވިދާޅުވީ، އެ ކުންފުންޏާ އެ މަސައްކަތް ހަވާލުކޮށްފިނަމަ، އެ ކުންފުނީގައި އެ މަސައްކަތްކުރުމުގެ ކެޕޭސިޓީ ހުންނާނެ ކަމަށެވެ. އަދި މިހާރުވެސް ތިލަފުށީގައި، 250 ޓަނުގެ އުޅަނދު ފަހަރު އުފުލައި މަރާމާތުކުރެވޭ މިންވަރުގެ ޑޮކްޔާޑެއް މިހާރުވެސް ތަރައްގީކޮށް ހިންގަމުން ގެންދާ ކަމަށާއި، އެ ޑޮކްޔާޑުގައި ހުންނަ ބޯޓް ހޮއިސްޓަކީ މި ވަގުތު ރާއްޖޭގައި އެންމެ ބަރު އުޅަނދު ފަހަރު އުފުލޭ ބޯޓް ހޮއިސްޓް ކަމަށްވެސް އާޒިމް ވަނީ ވިދާޅުވެފައެވެ.
އުތުރުތިލަފަޅުގައި ތަރައްގީކުރަނީ 500 ޓަނުގެ އުޅަނދު އުފުއްލޭ މިންވަރުގެ ޑޮކްޔާޑަކާއި، ބަނދަރެއްގެ އިތުރަށް 300 މީޓަރުގެ މަގަތު ފާލަމެކެވެ.
އުތުރު ތިލަފަޅު ތަރައްގީ ކުރުމަށް އަދުގެ ސަރުކާރުން އިންޑިއާ އާއި އެކު އެއްބަސް ވުމާއި ގުޅިގެން ގިނަ ބަޔަކު އަންނަނީ ނުރުހުން ފާޅު ކުރަމުންނެވެ. އަދި އެއްބަސް ވުމުގެ ދަށުން އިންޑިއާއަށް ބޮޑެތި ފައިދާ ތަކެއްވެ ދިވެހި ގައުމަށް ބޮޑެތި ނުރައްކާތަކެއް ކުރިމަތި ވާނެ ކަމަށްވެސް ބައެއް ފަރާތްތަކުން އަންނަނީ ބުނަމުންނެވެ.
އެހެން ނަމަވެސް ސަރުކާރުން ބުނެފައިވަނީ، އިންޑިއާ އާއި އެކު ވެފައިވާ އެއްބަސް ވުމުގެ ސަބަބުން ގައުމަށް އެއްވެސް ކަހަލަ ގެއްލުމެއް ކުރިމަތި ނުވާނެ ކަމަށެވެ.
MTCC fadha gaumee kunfuni thakah masakkaiy dhinumuge badhal ga lla dheenee kaafarun lavvaa migaumu hingan ulhey janavaarun ge nubai reyvumun gaumu salaamaiy vaan, dhen othee coalition roolhigen. Coalition ge beynun mihaaru hifanee mdn promot kuran, addsnayakah.
Mtcc fadha kunfunithakah dheegen bidheyseen athun enigma bai nagan udhagoo vaane. Noonthoa