ސަރުކާރު އުފެދިފައިވާ ސިޔާސީ ކޯލިޝަން އޭގެ އަމިއްލަ ޒާތުގައި ރޫޅިގެންދާނެ ކަމަށް އެމްޑީޕީގެ ފަރާތުން ރައްޔިތުންގެ މަޖިލީހުގެ ބިލެއްދޫ ދާއިރާގެ ގޮނޑި ކާމިޔާބުކުރައްވާފައިވާ މެމްބަރު އަހުމަދު ހަލީމް (ދޮންބިލަތް) ވިދާޅުވެއްޖެއެވެ.
ސަރުކާރު އުފެދިފައިވާ ކޯލިޝަން އަކީ ރޫޅޭނެ އެއްޗެއް ކަމަށް އިޝާރާތް ކޮށް މީގެ ކުރީންވެސް ދޮންބޮލަތް ވަނީ ވާހަކަދައްކަވާފައެވެ.
ޖަޒީރާ ނޫހުގެ ”ވަން ޓު ވަން“ އިންޓަވިއުގައި ވާހަކަދައްކަވަމުން ދޮންބިލަތް ވިދާޅުވީ އެ ކޯލިޝަންއަކީ މިވަގުތު ސަރުކާރުގެ މައި ޕާޓީ އެމްޑީޕީއާއެކު އޮތް ނަމަވެސް އެ ޕާޓީއާ ވާދަވެރި ކޯލިޝަނެއް ކަމަށެވެ.
އެހެން ފަރާތްތަކުން އެމްޑީޕީއާއެކު ކޯލިޝަންގައި މިވަގުތު އެ ތިބީ އެ ފަރާތްތަކަށް އެކުގައި ތިބެން ޖެހޭތީ ކަމަށް އޭނާ ވިދާޅުވިއެވެ. އަދި އެއީ އެފަރާތްތަކަށް މިވަގުތު އެއަށްވުރެ ރަނގަޅު ގޮތެއް ނެތުމުން ކަމަށްވެސް ދޮންބިލަތް ފާހަގަކުރެއްވިއެވެ.
”ކޯލިޝަން ރޫޅުން ނުރޫޅުން އަޅުގަނޑުމެން އެކަން ކުރުމުގެ ބަދަލުގައި އަޅުގަނޑަށް ވިސްނެނީ އަމިއްލަ ޒާތުގައި އެކަން ދާނެ މި އިންތިޚާބުގެ ނަތީޖާ ލިބޭއިރުގައި،“ އޭނާ ވިދާޅުވިއެވެ.
ކޯލިޝަންގައި ހިމެނޭ ފަރާތްތަކުންވެސް ތިބީ އެމްޑީޕީއާއެކުގައީ ކަމަށް ގަބޫލުނުކުރާ ކަމަށް އޭނާ ފާހަގަކުރެއްވިއެވެ. އަދި ކުރިއަށް އޮތް ލޯކަލް ކައުންސިލް އިންތިހާބުގައިވެސް އެ ފަރާތްތަކުން އެމްޑީޕީއަށް ތާއީދު ނުކުރާނެ ކަމަށް އޭނާ ވިދާޅުވިއެވެ.
އެހެންކަމުން އެމްޑީޕީއިންވެސް ކައުންސިލް އިންތިހާބަށް ނިކުންނާނީ ވަކީން ކަމަށް އޭނާ ވިދާޅުވިއެވެ.
Amilla e dun kuriah neren hedeema vaagoh tivanee corlison hedee majlees ah ves corlison in kurimatilaan caunsil gaves mi fennanee amilla amilla ah uleytan heevaakahala aneh 3 paatee nugaboolas beynu gotakah kan kurevidaanehen e gidaanetaa mifaharu balan mitibee