އުތުރު ތިލަަފަޅުގެ އެއްބަސްވުން (ޔޫޓީއެފް) ކަމަށް ބުނެ ކުރީގެ ހޯމް މިނިސްޓަރު ޢުމަރު ނަޞީރު ޢާންމުކުރައްވާފައިވާ ލިޔުންތަކަކީ ސައްހަ އެއްޗެއްކަމަށް ނުވާނަމަ، އެ ލިޔުންތައް ޢާންމުކުރި ފަރާތްތަކާއި ދެކޮޅަށް ޖިނާއީ ތަޙްޤީޤުކޮށް، ދަޢުވާކުރެވޭ ގޮތަށް ޤާނޫންތައް ހަވާލާދޭކަމަށް މަޝްހޫރު ޤާނޫނީ ވަކީލު މުޙައްމަދު ނިޝާން އިބްރާހީމް މިއަދު ވިދާޅުވެއްޖެއެވެ.
އުތުރު ތިލަފަޅުގެ އެއްބަސްވުންކަމުގެ ކޮޕީއެއްކަމަށް ބުނާ 08 ޞަފުހާގެ ލިޔުންތަކެއް، ސޯޝަލް މީޑިއާތެރެއަށް ދޫކޮށްލެއްވީ މި މަހު 15 ވނަ ދުވަހުއެވެ. އެ ލިޔުންތަކުގައިވާ ގޮތުން އެއްބަސްވުން ޤާއިމުކުރީ 30 އަހަރަށްކަމަށްވާއިރު، އިންޑިއާ ސިފައިންނަށް ރާއްޖޭގައި ހަތިޔާރާއެކު ތިބެވޭނެކަމަށް ބުނެފައިވެއެވެ.
ނަމަވެސް ދިވެހި ސަރުކާރުން ވަނީ އެއީ ޙަޤީޤަތާއި ޚިލާފު ލިޔުންތަކެއްކަމަށް ބުނެފައެވެ.
މި ގޮތުން ޢުމަރާމެދު ފިޔަވަޅު އަޅަންޖެހޭކަމަށް ބައެއް ފަރާތްތަކުން ބުނެ، މަސްރަހު ހޫނުވެފައިވާ މި ދަނޑިވަޅުގައި ނިޝާން މިއަދު ޢާންމުކުރައްވާފައިވާ ޓްވީޓެއްގައި ވަނީ03 އަހަރު ތެރޭގައި ކޯސްޓް ގާޑުން ބަނދަރެއް ތަރައްޤީކުރުމަށް ހުސްވި ފެބްރުއަރީ 21 ގައި އިންޑިޔާއާއެކު ސޮއިކުރި އުތުރު ތިލަފަޅުގެ މައްސަލައިގައި ޢުމަރު ޢާންމުކޮށްފައިވާ ލިޔުންތަކަކީ ދޮގުކަމަށްވާނަމަ، އެ ކުށްތައް
ޤާނޫނުލްއުޤޫބާތުގައިވާ ކުށުގެ ދަރަޖަތަކަށް ފެތޭކަމަށް ވިދާޅުވެފައެވެ. އަދި އެއީ ޖިނާޔާތުގެ 5 ވަނަ ދަރަޖައާއި، ޖުނަހުގެ 3 އާއި، ޖުނަހުގެ 1 ވަނަ ދަރަޖަކަމަށް ވެސް ނިޝާން ފާހަގަކުރެއްވިއެވެ.
މި ކުށްތައް ހިމަނާފައިވާ މާއްދާތައް ނިޝާންގެ ޓުވީޓްގައި ހިމަނުއްވާފައިވާއިރު، އެއީ ޤާނޫނުލްއުޤޫބާތުގެ 310 ވަނަ ބާބާއި 533 ގެ ހ(2) (i ) އާއި، 615 (ހ) ގެ (6) ވަނަ ނަންބަރުގެ ދަށުން ކުށް ޖިނާއީވާ ސަބަބެއްކަމަށް ބާޔަންކޮށްފައިވެއެވެ.
ނިޝާން އެ މާއްދާތަކުގެ ސްކްރީން ސޮޓްތަކެއް ހިމަނުއްވާފައިވާއިރު، އެ މާއްދާތައް ބުނާ ގޮތުން ސައްހަނޫން ލިޔުމަކަށް ނުވަތަ އެއްޗަކަށް ހަވާލާދިނުމާއި، ނުވަތަ އެފަދަ ލިޔުމެއް ނުވަތަ އެއްޗެއްގެ ތެދުކަން ދެއްކުމުގެ ގޮތުން ކަމެއް ތަކުރާރުކުރުން ނުވަތަ އެފަދަ ލިޔުމެއް ނުވަތަ އެއްޗެއްގައިވާ ކަމެއް ބަޔާންކުރުމާއި، އެއްޗަކީ ވަކި މީހަކު ހެދި އެއްޗެއްކަމުގައި ނުވަތަ ވަކި އަސްލެއް އޮތް އެއްޗެއްކަމުގައި ނުވަތަ ވަކި އަގެއް އޮތް އެއްޗެއްކަމުގައި ނުވަތަ ވަކި ދުވަހެއްވީ އެއްޗެއްކަމުގައި، ސައްހަނޫން ގޮތުގައި ދެއްކުމަށްޓަކައި އެއްޗެއް ނުވަތަ ލިޔުމެއް އުފެއްދުމާއި ނުވަތަ އެއްޗަކަށް ބަދަލު ގެނައުން ހިމެނެއެވެ. އަދި ހަމައެހެންމެ ސައްހަނޫން ލިޔުމަކަށް ނުވަތަ އެއްޗަކަށް ހަވާލާދިނުމާއި، ނުވަތަ އެފަދަ ލިޔުމެއް ނުވަތަ އެއްޗެއްގެ ތެދުކަން ދެއްކުމުގެ ގޮތުން ކަމެއް ތަކުރާރުކުރުން ނުވަތަ އެފަދަ ލިޔުމެއް ނުވަތަ އެއްޗެއްގައިވާ ކަމެއް ބަޔާންކުރުމާއި، އެއްޗަކީ ވަކި މީހަކު ހެދި އެއްޗެއްކަމުގައި ނުވަތަ ވަކި އަސްލެއް އޮތް އެއްޗެއްކަމުގައި ނުވަތަ ވަކި އަގެއް އޮތް އެއްޗެއްކަމުގައި ނުވަތަ ވަކި ދުވަހެއްވީ އެއްޗެއްކަމުގައި ސައްހަނޫން ގޮތުގައި ދެއްކުމަށްޓަކައި އެއްޗެއް ނުވަތަ ލިޔުމެއް އުފެއްދުމާއި ނުވަތަ އެއްޗަކަށް ބަދަލު ގެނައުމަކީ ކުށެއްކަމަށް ކަނޑައަޅާފައިވެއެވެ.
ނިޝާން މިހެން ވިދާޅުވެފައިވާއިރު، ދިވެހި ނެޝަނަލް އެކްޝަން(ޑީއެންއޭ) ގެ ފަރާތުން ރޭ ގެނެސްދިން ޕްރޮގުރާމެއްގައި ވާހަކަދައްކަވަމުން ޢުމަރު ވިދާޅުވީ އިންޑިއާ ސަރުކާރުން ބޭނުންވާ ގޮތް ވަރަށް ސާފުކޮށް ފެންނަން އެބައޮތް ކަމަށާއި، އެ ޤައުމުގެ ސަރުކާރުން ބޭނުންވަނީ ރާއްޖޭގައި މިލިޓަރީ ބޭހެއް ހަދަން ކަމަށެވެ. އަދި ސަރުކާރުން އެކަމަށް ދޫދީ ހިފެހެއްޓީ ކިހާވަރަކަށްކަން އެނގޭނީ ދިވެހި ސަރުކާރަށް ކަމަށް ވެސް ޢުމަރު ވިދާޅުވެފައިވެއެވެ.
މީގެ އިތުރުން ޢުމަރު ވިދާޅުވެފައިވަނ ލީކުކޮށްލެއްވި އެއްބަސްވުމަކީ ހުސްވި އަހަރުގެ ޖޫން މަހުގެ 20 ގައި ސީދާ އިންޑިއާ ސަރުކާރުން ހުށަހެޅި އެއްބަސްވުމެއް ކަމަށެވެ. ހަމައެހެންމެ އެމްއެންޑީއެފުން ބޭއްވި ނޫސްވެރިންގެ ބައްދަލުވުމުގައި އެކަމަށް އިންކާރު ނުކުރައްވާކަމަށާއި، ނަމަވެސް އޭގައި ހުރި ބައެއް ކަންކަމަށް އިންކާރު ކުރެއްވި ކަމަށް ޢުމަރު ވިދާޅުވެފައިވެއެވެ.
Mihaa avahah vakeelunge basfulhuthah genes hadhan jeheyvaruge kamehbaa miyakee. Vakeeluge amaleh fennan jeheynee koat thereyga. Masalaeh hushaelhumun. Gaanooney kiyaa vaahaka dhahkaairu allah gandhee huvaakoh thibe gaanoonu kurimatheega baavaafa amalu dhahkavanee kofee meyzu dhoshuga thibeyiru rattehingaathu kandaalaa foneega onnagothah. Veeiru media ga vaki kamakah nisbath koh gaanoon gavaagoth aanmukurumee vakeelunnah dhevifa oth gadharah heenarukan libeykameh kamah dheken. Adhi ehenme vaki kamakah vaakameh nuvatha nuvaakameh media ga vakeelaku konmehen haama kohdheykah nujeheyne. Gadharah ihuthiraam kurahvva. Vaki kameh nuvatha faraatheh dhifaaukoh imun beyrun ais rayyithunnah kanoth goth haama kohdheykah nujeheyne. Gaanoonu rayyithumeehaaves kiyaane. Fiyavalhu alhaanekanves engeyne rayyithunnah. Thedhuverikamaai amaanath therikamaaeku vazeefaaga dhemihurun rahyyithumeehaa vakeelunge kibain beynunvanee. Salaam
އުމަރު އެ ވިދާޅުވާ ލިއުމަކީ އަސްލެއް ކަމަށް ވާނަމަ އެކަން ކުރިފަރާތައް ލިބޭނެ އަދަބު ވިދާޅުވި ނަމަ ވަރަށް ރަނގަޅުވީސް.