ހެންވޭރު ޒުވާނުން ވ.އަންބަރާއަށް ދިޔަ ދަތުރުގައި ފުލުހުން ހިންގި އޮޕަރޭޝަންގައި ސުވާލު އުފެދޭ ކަންކަން ހުރުމާާއެކު، އެކަން ރައްޔިތުންގެ މަޖިލީހުގެ ސަލާމަތީ ޚިދުމަތްތަކާބެހޭ ކޮމިޓީއަށްް ހުށަހަޅުއްވާން ނިންމަވާފައިވާކަމަށް ހެންވޭރު އުތުރު ދާއިރާގެ އެމްޑީޕީ މެންބަރު އިބްރާހިމް މުޢިއްޒު މިރޭ ވިދާޅުވެއްޖެއެވެ.
ކުޑަ ހެންވޭރުގެ 95 ޒުވާނުން އަންބަރާއަށް ދިޔައީ މި މަހުގެ 11 ވަނަ ދުވަހުގައެވެ.
ހެލްތު ޕްރޮޓެކްޝަން އެޖެންސީގެ ޤަވާއިދާއި ޚިލާފުވިކަމަށް ބުނެ ފުލުހުން ވަނީ އެ 95 ޒުވާނުން ޖޫރިމަނާކޮށްފައެވެ.
ފުލުހުން ހާމަކުރި ގޮތުގައި އެ މީހުން ދަތުރުކުރި އުޅަނދަށް މީހުން އެރުވީ ކަނޑައެޅިފައި އޮންނަ ޢަދަދަށްވުރެ ގިނައިންނެވެ. އެ ގޮތުން މައްސަލަ ތަޙްޤީޤުކުރުމަށްފަހު އަޅަންޖެހޭ ފިޔަވަޅުތައް އަޅާނެކަމަށް ވެސް ފުލުހުން ބުނެފައިވެއެވެ.
އެ މީހުން ހައްޔަރުކުރީ މަސްތުވާތަކެއްޗާއެއްކޮށް ކަމަށް އަޑު ފެތުރެން ފެށުމުން ފުލުހުން އެކަން ދޮގުކުރިއެވެ.
ފުލުހުން ބުނީ އެއިން އެއްވެސް މީހަކު ހައްޔަރު ނުކުރާާ ކަމަށެވެ. އަދި އެ މީހުންގެތެރެެއިން އެއްވެސް މީހެއްގެ މައްޗަށް މަސްތުވާތަކެތި ބޭނުންކުރިކަމުގެ ތުހުމަތު ކުރެވިފައިނުވާކަމަށެެ. އެހެންކަމުން އެއިން އެއްވެސް މީހަކު މަސްތުވާތަކެއްޗަށް ޓެސްޓުކޮށްފައިނުވާ ކަމަށެވެ.
އަންބަރާގައި ފުލުހުން ހިންގި މި އޮޕަރޭޝަން މަޖިލީހުގެ ސަލާމަތީ ޚިދުމަތްތަކާބެހޭ ކޮމިޓީއަށްް ހުށަހަޅުއްވާނެކަމަށް މެންބަރު މުޢިއްޒުވަނީ ވިދާޅުފައެވެ.
”ހެންވޭރު ޒުވާނުން މިދިޔަ ހުކުރު ދުވަހު ފެލިދެ އަތޮޅު އަންބަރާއަށް ދިޔަ ދަތުރުގައި ފުލުހުން ހިންގި އޮޕަރޭޝަންގައި ސުވާލު އުފެދޭ ކަންކަން ހުރުމާާއެކު، ރައްޔިތުންގެ މަޖިލީހުގެ ސަލާމަތީ ޚިދުމަތްތަކާބެހޭ ކޮމިޓީއަށްް ހުށަހެޅުމަށް ނިންމައިފިން“ މުޢިއްޒު މިރޭ ވިދާޅުވިއެވެ.
kon suwaale ufedhen vee 5meehuna vure ginain eh than nuvaa shey bunefa othee 90meehun eh than ve adhi gavaa idhaa khilaaf ah merhun aruvai gen dhathu ru kuree kalo thiya ulhe nee fuluhun biru ganna vana tha nufooz ge bey nun ko gen MDP meehun ge moto akee kuh kuraa meehun na hiy varu dhinun