އިސްލާމިކް މިނިސްޓްރީ އެއްކޮށް ދޮވެ ސާފުކުރަންޖެހޭ: ޢަލީ ރަމީޒް

އިސްލާމިކް މިނިސްޓްރީ އެއްކޮށް ދޮވެ ސާފުކުރަންޖެހޭ ކަމަށް ޖަމްޢިއްޔަތުއްސަލަފުގެ އޮޕަރޭޝަންސް މެނޭޖަރު ޢަލީ ރަމީޒް މިއަދުު ވިދާޅުވެއްޖެއެވެ.

އެކްސްގައި މިއަދު ކުރެއްވި ޕޯސްޓެއްގައި ޢަލީ ވިދާޅުވީ އިސްލާމިކް މިނިސްޓްރީ އެއްކޮށް ދޮވެ ސާފުކުރަންޖެހޭ ކަމަށާއި އެންމެ ކުނިކޮޅެއް ވެސް ބައިންދައިގެން ނުވާނެ ކަމަށެވެ.

ރައީސް އިބްރާހިމް މުޙައްމަދު ޞާލިޙްގެ މި ސަރުކާރުން އިސްލާމިކް މިނިސްޓްރީގެ އިސް މަގާމުތައް ދީފައިވަނީ އަދާލަތު ޕާޓީއަށެވެ. ނަމަވެސް އަދާލަތާ ހަވާލުކުރުމުން ކަންކަން ބޮއްސުންލާފައިވާ ކަމަށް ބުނެ ގިނަ ބަޔަކު ވަނީ ފާޑުކިޔުންތައް އަމާޒުކޮށް ނުރުހުން ފާޅުކޮށްފައެވެ.

ގިނަ ބަޔަކު ސިފަކުރާ ގޮތުން އަދާލަތު ޕާޓީއަކީ ދީން ހަތިޔާރަކަށް ހަދައިގެން ނާޖާއިޒު ގޮތުގައި ސިޔާސީ މަގާމުތައް ހޯދަން އުޅޭ ޕާޓީއެކެވެ.