އީރާނުގެ ޕެރަމިލިޓަރީ ރިވޮލިއުޝަނަރީ ގާޑުންގެ ނޫރު-3 އިމޭޖިން ސެޓެލައިޓް ކާމިޔާބުކަމާއެކު އޯބިޓަށް ފޮނުވާލާފައިވާ ކަމަށް އެމެރިކާއިން ގަބޫލުކޮށްފިއެވެ.
މިކަން އެމެރިކާއިން ގަބޫލުކުރި ނަމަވެސް އެމެރިކާގެ އަސްކަރިއްޔާއިން މިކަމާ ބެހޭ ގޮތުން ރަސްމީކޮށް އެއްޗެއް ބުނެފައެއް ނުވެ އެވެ. ނަމަވެސް އެމެރިކާގެ ޖައްވީ ބާރުގެ 18 ވަނަ ސްޕޭސް ޑިފެންސް ސްކޮޑްރަންއިން ހޯދާފައިވާ ތަފާސް ހިސާބުތަކުން އީރާނުގެ ރިޕޯޓްތަކާ އެއްގޮތްވާ ގޮތުގެ މަތިން ސެޓެލައިޓް ބިމުން 450 ކިލޯމީޓަރު މައްޗަށް ގޮސްފައިވާކަން ކަށަވަރުކޮށްދެއެވެ.
އެ ސެޓިލައިޓް ފޮނުވާލުމަށް ބޭނުންކޮށްފައިވާ ރޮކެޓަކީ ލިކުއިޑް އަދި ސޮލިޑް ފިއުލް ބޭނުންކޮށްގެން ތިން މަރުހަލާގެ ޑިޒައިނެއް ކަމަށް ގާޑުން އެންމެ ފުރަތަމަ ހާމަކުރީ ސްޕޭސް ޕްރޮގްރާމުގެ ދަށުން 2020 ވަނަ އަހަރު އެވެ.
ކަމާ ބެހޭ ފަރާތްތަކުން އާންމުކުރި ވީޑިއޯއަކުން ފެންނަ ގޮތުގައި މޮބައިލް ޕްލެޓްފޯމަކުން ރޮކެޓް ލޯންޗެއް ފޮނުވާލި ނަމަވެސް އެ ތަން އަދި ވެސް ހާމައެއް ނުކުރެ އެވެ. ނަމަވެސް ވީޑިއޯއިން ފެންނަ ތަފްސީލްތަކަކީ އީރާނުގެ މަދަނީ ޖައްވީ މަސައްކަތްތައް ކުރާ މަރުކަޒު ކަމަށްވާ އިމާމް ޚުމެއިނީ ސްޕޭސްޕޯޓް ދިރިއުޅޭ ސެމްނާން ޕްރޮވިންސްގައި ހުންނަ ތެހެރާނުގެ އިރު އުތުރުން ގާތްގަނޑަކަށް 330 ކިލޯމީޓަރު ދުރުގައި އޮންނަ ޝަހުރޫދު ކައިރީގައި ހުންނަ ރިވޮލިއުޝަނަރީ ގާޑުގެ މަރުކަޒަކާ ގުޅިފައިވާ ތަފްސީލެކެވެ.
އެ ވެބްސައިޓުގައި ދައްކާފައިވާ މިސައިލަކީ ޝަހުރޫދުގައި ހުންނަ ގާޑް ބޭސްއިން ފޮނުވާލި މިސައިލެއް ކަމަށް ވެސް ވަނީ ލިސްޓުކޮށްފަ އެވެ.
