އެމްޑީޕީގެ މެމްބަރުންނަށް ބަދުބަސް ނުބުނުމަށް ނަޝީދު އިލްތިމާސް ކުރައްވައިފި

އެއްވެސް ފަރާތަކުން އެމްޑީޕީގެ މެމްބަރުންނަށް ބަދުބަސް ނުބުނުމަށް އެ ޕާޓީގެ ރައީސް އަދި ރައްޔިތުންގެ މަޖިލީހުގެ ރައީސް މުޙައްމަދު ނަޝީދު އިލްތިމާސް ކުރައްވައިިފިއެވެ.

ނަޝީދު މި އިލްތިމާސް ކުރެއްވީ އެކްސްގައި މިރޭ ކުރެއްވި ޕޯސްޓެއްގައެވެ.

“އެއްވެސް ފަރާތަކުން އެމްޑީޕީގެ މެމްބަރުންނާއި ސަޕޯޓަރުންނަށް ބަދުބަސް ބުނެ ފުރައްސާރަ ނުކުރުމަށް ވަރަށް އެދެން.“

ރުޅިވެރިކަން އިސްކުރުމަކީ ބުއްދިވެރި ގޮތެއް ނޫން ކަމަށް ވެސް ނަޝީދު ވިދާޅުވިއެވެ.

ނަޝީދު މިހެން ވިދާޅުވިއިރު މި އަހަރުގެ ރިޔާސީ އިންތިޚާބު ފެށުނު ފަހުން އެމްޑީޕީން ވަނީ ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ.މުޙައްމަދު މުޢިއްޒަށް ވަރަށް ބޮޑަށް ފާޑުކިޔައި އެކިއެކި ތުހުމަތުތައް ކޮށްފައެވެ.