2023 ވަނަ އަހަރަކީ ދުނިޔޭގެ އެކި ކަންކޮޅުތަކުގައި ހުރި ޖެނެރޭޓިވް އޭއައިގެ ޓެކް ކުންފުނިތަކުން މި ޓެކްނޮލޮޖީއާއެކު އެމީހުންގެ އުފެއްދުންތައް ސުޕަޗާޖް ކުރަމުން އަންނަ އަހަރެކެވެ.
އެންމެ ފަހުން މި ބެންޑްވޮގަންއާ ގުޅުނު ކުންފުންޏަކީ މެޓާ އެވެ. އެ ކުންފުނީގެ މެޓާ ކަނެކްޓް 2023 އިވެންޓުގައި އެ ކުންފުނީގެ މަގުބޫލު އިމޭޖް އަދި ވީޑިއޯ ޝެއާކުރާ އެޕްލިކޭޝަން، އިންސްޓަގްރާމަށް އާ ޖެނެރޭޓިވް އޭއައި ބޭސްޑް ފީޗާތަކެއް ވަނީ އިއުލާނުކޮށްފަ އެވެ.
އާ ޖެނެރޭޓިވް އޭއައި ބޭސްޑް ފީޗާތަކުގެ ސަބަބުން ސްޓިކާ ހެދުމުގެ އިތުރުން އެ ޕްލެޓްފޯމްގައި ތިބި ރައްޓެހިންނާ އެކު ފޮޓޯ އެޑިޓްކޮށް އާ ފޮޓޯތައް ކޯ-ކްރިއޭޓް ކުރުމުގެ ފުރުސަތު ވެސް ލިބިގެންދާނެ އެވެ.
ޖެނެރޭޓިވް އޭއައި ޕަވާޑް އިންސްޓަގްރާމްގައި އަލަށް ފެންނަނީ ކޮން އެއްޗެއް؟
އޭއައި ސްޓިކާސް
އިންސްޓަގްރާމަށް އަންނަ ގިނަ ޖެނެރޭޓިވް އޭއައި ބޭސްޑް ފީޗާތަކުގެ ތެރެއިން ފުރަތަމަ ފީޗާއަކީ އޭއައި ސްޓިކާ އެވެ. މި ފީޗާގެ ސަބަބުން ޗެޓާއި ސްޓޯރީތަކަށް ކަސްޓަމައިޒް ސްޓިކާ ޖެނެރޭޓް ކުރެވޭނެ އެވެ. އިންސްޓަގްރާމްގެ އާ އޭއައި ސްޓިކާ ފީޗާގައި މެޓާގެ ލަމާ 2 އޯޕަން ސޯސް ލާޖް ލެންގުއޭޖް މޮޑެލް (އެލްއެލްއެމް) އާއި އީމޫ ނަމަކަށް ކިޔާ އިމޭޖް ޖެނެރޭޝަން މޮޑެލް ބޭނުންކުރާ މީހުންގެ ޓެކްސްޓް ޕްރޮމްޕްޓްތައް ސިކުންތެއްގެ ތެރޭގައި ގިނަ ޔުނިކް، މަތީ ފެންވަރުގެ ސްޓިކާތަކަކަށް ބަދަލުކުރާނެ އެވެ. އޭއައި ބޭސްޑް ގިނަ ޓޫލްތަކުން ޓެކްސްޓް ބޭސްޑް ޕްރޮމްޕްޓްތައް ފޮޓޯތަކަށް ބަދަލުކުރާއިރު، އިންސްޓަގްރާމްގެ އާ ފީޗާގެ ސަބަބުން މި ޕްރޮމްޕްޓްތައް ސްޓިކާއަކަށް ބަދަލުވާނެ އެވެ.
މެޓާ އިން ބުނީ މި އާ ފީޗާ ކުރިއަށް އޮތް މަހެއްހާ ދުވަހުގެ ތެރޭގައި އިނގިރޭސި ބަސް ބޭނުންކުރާ ފަރާތްތައް ސެލެކްޓް ކުރުމަށް ތައާރަފް ކުރާނެ ކަމަށެވެ.
އޭއައި އާއެކު ފޮޓޯ އެޑިޓިން
އިންސްޓަގްރާމަށް އަންނަ އެހެން ފީޗާއެއްގެ ސަބަބުން އެ މީހުންގެ ފޮޓޯތައް ބަދަލުކޮށް، ނުވަތަ ރައްޓެހިންނާ އެކު އޭއައި ޖެނެރޭޓެޑް ފޮޓޯތައް ކޯ-ކްރިއޭޓް ކުރުމުގެ ފުރުސަތު ވެސް ލިބިގެންދާނެ އެވެ. މިކަން ކުރުމަށް ޓަކައި އެ ކުންފުނިން އަންނަނީ އާ ދެ ވަސީލަތެއް ކަމަށްވާ ރެސްޓައިލް އާއި ބެކްޑްރޮޕް ތައާރަފު ކުރަމުންނެވެ.
ރެސްޓައިލް ބޭނުންކުރާ މީހުން ސިފަކުރާ ވިޝުއަލް ސްޓައިލްތައް އެޕްލައިކޮށްގެން އެ މީހުންގެ ފޮޓޯތައް ރީއިމޭޖިން ކުރެވޭނެ އެވެ. މެޓާ ގެ ބްލޮގް ޕޯސްޓެއްގައި ބުނެފައި ވަނީ ”ވޯޓާކަލަރ“ ފަދަ ޑިސްކްރިޕްޓަރެއް ނުވަތަ ”މަޖައްލާތަކާއި ނޫސްތަކުގެ ކޮލާޖް، ޓޯން އެޖްސް“ ފަދަ ތަފްސީލީ ޕްރޮމްޕްޓެއް ހިމެނޭނެއެވެ.
އަނެއްކޮޅުން ބެކްޑްރޮޕްގެ ސަބަބުން ބޭނުންކުރާ މީހުންގެ ތަސްވީރުގެ މަންޒަރެއް ނުވަތަ ބެކްގްރައުންޑެއް ބަދަލުވެގެން ދެއެވެ.
މެޓާ އިން ބުނި ގޮތުގައި ރެސްޓައިލް އާއި ބެކްޑްރޮޕް ވަރަށް އަވަހަށް އިންސްޓަގްރާމުން ލިބެން ހުންނާނެ އެވެ.
މެޓާ އޭއައި
މެޓާ ކަނެކްޓް 2023 ގައި އެ ކުންފުނިން ވަނީ އިންސްޓަގްރާމްގައި މީހަކު ފަދައިން މުއާމަލާތް ކުރެވޭނެ އާ އެސިސްޓެންޓެއް ކަމަށްވާ މެޓާ އޭއައި ވެސް ތައާރަފްކޮށްފަ އެވެ. މެޓާ އިން ބުނި ގޮތުގައި މެޓާ އޭއައި އަކީ ލަމާ 2 ގެ ޓެކްނޮލޮޖީ އާއި އެ ކުންފުނީގެ އެންމެ ފަހުގެ ލާޖް ލެންގުއޭޖް މޮޑެލް (އެލްއެލްއެމް) ރިސާޗްގެ ބޭނުން ހިފާ ކަސްޓަމް މޮޑެލްއެކެވެ. ޓެކްސްޓް ބޭސްޑް ޗެޓްތަކުގައި މެޓާ އޭއައި އަށް ބިންގްއާ އެކު ސާޗް ޕާޓްނާޝިޕް މެދުވެރިކޮށް ރިއަލް ޓައިމް މައުލޫމާތު ލިބޭނެ ކަމަށާއި އިމޭޖް ޖެނެރޭޝަންގެ ވަސީލަތެއް ވެސް ލިބޭނެ ކަމަށް މެޓާ އިން ބުންޏެވެ.
އޭއައި ބޭސްޑް ކެރެކްޓާތައް
އަދި އެންމެ ފަހުން އެ ކުންފުނިން އަންނަނީ ތަފާތު ބެކްސްޓޯރީތަކާ އެކު 28 މެޓާ އޭއައި ބޭސްޑް ކެރެކްޓާ ވެސް ތައާރަފު ކުރަމުންނެވެ. ސަގާފީ އައިކަންތަކާއި އިންފްލުއެންސަރުންނާ ގުޅިގެން އެ ކުންފުނިން ވަނީ މީގެ ތެރެއިން ބައެއް އޭއައިތައް ކުޅެ، އެމްބްރޭޓްކޮށްފަ އެވެ.
