ކައުންސިލްތައް ބާރުވެރި ކުރެވޭނީ ފުލްޓައިމް ވަޒީރެއް ލޯކަލް ގަވަރމަންޓް އޮތޯރިޓީ (އެލްޖީއޭ) ހިންގުމާއި ހަވާލުވެގެން ކަމަށް ޕީޕީއެމް/ޕީއެންސީގެ ރިޔާސީ ކެންޑިޑޭޓު އަދި މާލެ ސިޓީގެ މޭޔަރު ޑރ. މުހައްމަދު މުއިއްޒު ވިދާޅުވެއްޖެއެވެ.
ޑރ. މުއިއްޒު މިހެން ވިދާޅުވީ ސަންގު ޓީވީ އާއި ޗެނަލް 13އާ ގުޅިގެން މިހާރު ކުރިއަށް ގެންދާ ”އާސްކް މުއިއްޒު“ ޕްރޮގްރާމުގައި ވާހަކަ ދައްކަވަމުންނެވެ.
ރިޔާސީ ކެންޕެއިން ދަތުރުތަކުގައި ރަށްރަށަށް ވަޑައިގެންނެވި އިރު ކައުންސިލްތަކާއި ސަރުކާރާއި ދެމެދު އޮންނަންޖެހޭ ގުޅުން ހީނަރުވެފައިވާ މިންވަރު ފާހަގަކުރެވުނު ކަމަށް މުއިއްޒު ވިދާޅުވެފައި ވެއެވެ.
އެހެންކަމުން ރަށްރަށަށް ބޭނުންވާ އެތައްކަމެއް ނުކުރެވި ލަސްވެގެންދާކަން ފާހަގަކުރައްވާ މުއިއްޒު ވިދާޅުވީ ސަބަބެއް ކަމުގައި ޤަބޫލުކުރެވެނީ އެލްޖީއޭ އަށް ދޭންވާ ސަޕޯޓު، ސަރުކާރަށް ނުދެވެނީ ކަމަށެވެ.
މިގޮތުން ކައުންސިލްތަކުގެ ބެލެނިވެރި ފަރާތް ކަމަށްވާ އެލްޖީއޭ ބަލަހައްޓަން ހަމަޖައްސާފައިވާ ހޯމް މިނިސްޓަރަށް އެލްޖީއޭއަށް ދޭންވާ ސަމާލުކަން، އެންމެ އެދެވޭގޮތުގައި ނުދެވޭކަމަށް މުއިއްޒު ވިދާޅުވިއެވެ.
ހަމަ އެހެންމެ ލާމަރުކަޒީ އުސޫލުން އިދާރީ ދާއިރާތައް ހިންގުމަށް މިހާރު އޮތް ހުރަސްތައް ނައްތާލައި، ކައުންސިލްތައް ހަގީގީ މާނައިގައި ބާރުވެރި ކުރެވޭނީ ފުލްޓައިމް ވަޒީރެއް އެލްޖީއޭ ހިންގުމާއި ހަވާލުވެގެން ކަމަށް މުއިއްޒު ވިދާޅުވެފައި ވެއެވެ.
މީގެ އިތުރުން ލާމަރުކަޒީ ނިޒާމުގެ ޗެމްޕިއަންކަމަށް ދެކި އެ ނިޒާމުގެ ބާރުވެރިކަން ކަނޑުވާލީ ރައީސް އިބްރާހިމް މުހައްމަދު ޞާލިހްގެ ސަރުކާރުން ކަމަށް މުއިއްޒު ވަނީ ވިދާޅުވެފައެވެ.
Muizzu thihuree olhifa dhow council thah hingumuga LGA ge dhaureh mihaaruves noavey LGA in kuraa kamakee council thakun hadhaa gavaaidhu thah ehgoy kurumug massahkay council thakakee dhauvaa kurumaai dhauvaa libigathumuge gaanoonee baaru onna vaki sihkkaeh onna gaanoonee muassasaaeh. Thi ministe laigen ehen kameh kuran ulhey