2012 ވަނަ އަހަރުން ފެށިގެން މިއަދާ ހިސާބަށް އަދިވެސް އެބޭފުޅާއާއި، ޢާއިލާ، ތަހަންމަލް ކުރަމުން ދަނީ މިހާރުގެ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހާއި އެމަނިކުފާނުގެ އަނބިކަނބަލުން ފަޒުނާ އަހުމަދު އަދި އެބޭފުޅުންގެ އެކުވެރިން އޭރުއްސުރެ ކުރަމުން އަންނަ ފުރައްސާރަ ކަމަށް އެމްއެންޑީއެފްގެ ކުރީގެ ކެޕްޓަން އަލީ އިހްސާން ވިދާޅުވެއްޖެއެވެ.
އިއްޔެ ހަވީރުގެ ވަގުތެއްގައި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހުގެ އަނބިކަނބަލުން ފަޒުނާ އަހުމަދު ހިޔާ ފްލެޓު ސަރަހައްދަށް ދިޔުމުން ފަޒުނާއާއި ދިމާލަށް ”ބާޣީ“ އޭ ގޮވައި ވަނީ އެ ސަރަހައްދުގައި ބަޔަކު ވަނީ އަޑުގަދަ ކޮށްފައެވެ.
އެކަމާއި ގުޅިގެން ފަޒުނާ ފޭސްބުކުގައި ދިގު ޕޯސްޓެއް ލިޔުއްްވާފައިވާ އިރު ފަޒުނާގެ ވާހަކަތަކާއި ގުޅުވައި ކެޕްޓަން އިހްސާން ލިޔުއްވި ޕޯސްޓެއްގައި ވިދާޅުވީ އެއްވެސް މީހަކަށް ބާޣީއަށް ގޮވުމަކީ އެ މީހަކަށް ވެސް އަދި އެމީހެއްގެ އާއިލާއަށް ވެސް ތަހަންމަލްކުރަން ފަސޭހަވާނެ ކަމެއް ނޫން ކަމަށެވެ.
އެއީ ތަހުޒީބު މުޖުތަމަޢު އެއްގައި ކަން ކުރަންވާނެ ގޮތެއް ވެސް ނޫން ކަމަށް އިހްސާން ވިދާޅުވިއެވެ.
”2012 ވަނަ އަހަރުން ފެށިގެން މިއަދާ ހިސާބަށް އަދިވެސް އަޅުގަނޑާއި އަޅުގަނޑުގެ ޢާއިލާ، ތަހަންމަލް ކުރަމުން މިދަނީ މިހާރުގެ ރައީސުލްޖުމްހޫރިއްޔާ (ރައީސް ޞާލިހު) އާއި ފަސްޓް ލޭޑީ (މެޑަމް ފަޒުނާ) އަދި އެބޭފުޅުންގެ އެކުވެރިން އޭރުއްސުރެ އަޅުގަނޑުމެންނަށް ކުރަމުން އަންނަ ފުރައްސާރަ.“ 2012 ވަނަ އަހަރު، ސިފައިންނާ ދިމާއަށް ބާޣީއަށް ގޮވައި ފަޒުނާ ކުރެއްވި ޓުވީޓެއްގެ ފޮޓޯ ހިއްސާ ކުރަމުން ކުރި ޕޯސްޓުގައި އިހްސާން ވިދާޅުވިއެވެ.
އިހްސާން ވިދާޅުވީ މީސް މީޑިއާގަޔާއި އަނބި ދަރިން ގޮވައިގެން އާއްމު ތަންތަނުގައި އުޅެނިކޮށް އޭނާ އާ ދިމާއަށް ”ބާޣީ“ ގޮވަމުން އަންނަތާ މިހާރު 11 އަހަރުވެފައިވާ ކަމަށެވެ.
އެއީ ދިވެހި ކޮންމެ ސިފައިންގެ މީހަކާއި ފުލުހެއް އަދި އެމީހުންގެ އާއިލާވެސް ތަހަންމަލް ކުރަމުންދާ ކަންކަން ކަމަށް އިހްސާން ފާހަގަކުރެއްވިއެވެ.
ފަޒުނާ ބާޣީ އަކަށް ނުވާ ގޮތަށް ޔުނީފޯމު އެޅި ސިފައިންނާއި ފުލުހުން ވެސް ބާޣީންނަށް ނުވާނެ ކަމަށް އިހްސާން ވަނީ ވިދާޅުވެފައެވެ.
ފަޒުނާއަށް ފުރައްސާރަ ކުރީ 2 މީހުން ކަމަށް ވިދާޅުވެފައިވާ އިރު އެތަނުން އެކަކީ 1988 ވަނަ އަހަރު ފަޒުނާގެ ބައްޕަ ސިއްކަ އަހުމަދު އިސްމާއިލް އަޑީގައި ހުރެގެން ރާއްޖެއަށް ދިން އުދުވާނީ ހަމަލާގައި ޝަހީދުވި މީހެއްގެ ދަރިއެކެވެ.
ނޮވެންބަރު 3ގެ އެ ހާދިސާގައި އެމީހާ އާއި އޭނާގެ ބައްޕަ ވެސް ރަހީނު ކުރި މީހުންގެ ތެރޭގައި ހިމެނޭ އިރު އޭނާގެ ކުރިމަތީގައި ބައްޕަ ގަޔަށް ބަޑި ޖަހައި ކަނޑަށް ވައްޓާލާފައިވާ ކަމަށާ ފަޒުނާ ފެނުމުން އެދުވަހުގެ ހާދިސާ ހަނދާން ވެގެން ބާޣީއަށް ގޮވުނީ ކަމަށް ވެސް އެމީހާ ވަނީ ބުނެފައެވެ.
Ihusaanaky kanduga adeega badi foruvaafa efahun gos ethanun badi nagaa hadi heyvi meysthiri. Male ekithanthanuga bom hurikamuge drama kulhunu
thimaa feyhunu iloshi gandu thaa mi heru nee
thimaa ge lola thaa adhi maa mau soom meehaka hedhi gen faxzuna mi ulhu nee