އައިފޯން 15 ޕްރޯ މެކްސް އަށް އެމެރިކާ، ޗައިނާ އަދި ޖަޕާން ފަދަ ގިނަ ގައުމުތަކުގައި ބޮޑު ޑިމާންޑެއް އޮތުމުގެ ސަބަބުން ޑެލިވަރީ ކުރާ ތާރީހުތަކަށް ވަނީ ބަދަލު ގެނެސްފަ އެވެ.
ޗައިނާ، ޖަޕާން އަދި އެމެރިކާ ފަދަ ބައެއް ގައުމުތަކުގައި އެޕަލްގެ އާ އައިފޯން 15 ޕްރޯ މެކްސް ގަންނަ ފަރާތްތަކުން ސްމާޓްފޯން ހޯދުމަށް ނޮވެމްބަރު މަހާ ހަމައަށް އިންތިޒާރު ކުރަން ޖެހިދާނެ ކަމަށާއި މިއީ ހުކުރު ދުވަހު ޕްރީ އޯޑަރު ނަގަން ފެށުމުން އެ ކުންފުންޏަށް އޮތް ޑިމާންޑް ވަރުގަދަވުމުގެ ފުރަތަމަ އަލާމާތެވެ.
މި އިޝާރާތްތަކުގެ ސަބަބުން ޖޫން ކުއާޓަރުގައި ދުނިޔޭގެ ސްމާޓްފޯން މާކެޓް ދަށަށް ދިއުމުގެ ސަބަބުން އައިފޯން ވިއްކުން ހުއްޓިފައި ވަނިކޮށް އެޕަލްގެ ފްލެގްޝިޕް ޑިވައިސްއަށް އޮތް ޑިމާންޑާ މެދު އުފެދިފައިވާ ކަންބޮޑުވުންތަކަށް ލުޔެއް ލިބޭނެ ކަމަށް ބެލެވެ އެވެ.
ޗައިނާގައި އައިފޯން 15 ޕްރޯ މެކްސް އަށް ހަތަރު ހަފުތާއާއި ފަސް ހަފުތާއާ ދެމެދުގެ އިންތިޒާރެއް ކުރަން ޖެހުމުން، ވާވޭގެ ވާދަވެރިކަން އިތުރުވެ، ސަރުކާރުގެ މުވައްޒަފުން އައިފޯން ބޭނުންކުރުން ބެއިޖިން އިން ފުޅާކުރަމުންދާ ދަނޑިވަޅެއްގައި އެޕަލްގެ ތިން ވަނަ އަށް އެންމެ ބޮޑު މާކެޓަށް މާލީ ހީނަރުކަމެއް އަންނާނެ ކަމުގެ ބިރު ވެސް ފިލައިގެން ދާނެ އެވެ.
އެޕަލްގެ ވެބްސައިޓްގައި ވާގޮތުން ޗައިނާގެ ފިހާރަތަކުގައި ފޯނު ސެޕްޓެމްބަރު މަހުގެ 22 ވަނަ ދުވަހު ވިއްކަން ފެށުމުން އައިފޯން 15 ޑެލިވަރީ ކުރެވޭނެ ކަމަށް އެ ކުންފުނިން ބުންޏެވެ.
ޓޮޕް މާކެޓް އެމެރިކާގައި މިދިޔަ ހަފުތާގައި ތައާރަފްކުރި އައިފޯން 15 މޮޑެލް ލައިންއަޕްގެ އެންމެ އަގުބޮޑު މޮޑެލް ކަމަށްވާ ޕްރޯ މެކްސް ލިބުމުގެ ކުރިން ގަންނަ ފަރާތްތަކުން ހަ ހަފުތާ އާއި ހަތް ހަފުތާ އާ ދެމެދުގެ މުއްދަތަކަށް އިންތިޒާރު ކުރަން ޖެހޭނެ އެވެ. ޖަޕާނުގައި މޮޑެލްގެ އިންތިޒާރަކީ ފަސް ހަ ހަފުތާއެވެ. އެކަމަކު ޗައިނާ ފަދައިން ޕްރޯ މޮޑެލްގެ އިންތިޒާރު ކުރުވެފައިވާއިރު، އެމެރިކާ އާއި ޖަޕާނުގައި 128 ގިގަބައިޓް ވާޝަނަށް އެންމެ ދެތިން ހަފުތާގެ މުއްދަތެއްގެ ތެރޭގައި ލިބެ އެވެ.
