ރެޑްމީ ނޯޓް 12 ލައިންއަޕްގެ ފަހުގެ ވާޝަންތައް ނެރެން ތައްޔާރުވެފައިވާއިރު، ރެޑްމީ ނޯޓް 13 ސީރީޒްގެ ސްޕެސިފިކޭޝަން ތައްވެސް މިހާރު މިވަނީ ލީކްވެފައެވެ.
ކުރިއަށް އޮތް ރެޑްމީ 12ގެ ލައިންއަޕްގައި، ނޯޓް 12 4ޖީ، ރެޑްމީ ނޯޓް 12 5ޖީ، ރެޑްމީ ނޯޓް 12 ޕްރޯ 5ޖީ، ރެޑްމީ ނޯޓް 12 ޕްރޯ+ 5ޖީ އަދި ރެޑްމީ ނޯޓް 12 ޓާބޯ ހިމެނެ އެވެ.
ކުރިއަށް އޮތް ސީރީޒްގެ ބައެއް މޮޑެލްތައް ދާދި ފަހުން ވަނީ ސެޓްފިކޭޝަން ސައިޓްތަކުން ފެނިފަ އެވެ. ރެޑްމީ ނޯޓް 13 ގެ ފޯނުތަކުގެ ލީކުވެފައިވާ ސްޕެސިފިކޭޝަންތައް ވެސް ފާއިތުވި ހަފުތާތަކުގައި އިންޓަނެޓުގައި ދަނީ ދައުރުވަމުންނެވެ. ފޯނުތަކުގެ މޮޑެލްތަކާއި ލިބެން ހުރި މިންވަރާއި ބައެއް މުހިންމު ފީޗާތައް އަންގައިދޭ އާ ރިޕޯޓެއް މިހާރު ވަނީ އާންމުވެފަ އެވެ.
ޝިއޯމިއުއީގެ ރިޕޯޓެއްގައި ވާގޮތުން ރެޑްމީ ނޯޓް 13 ސީރީޒްގެ ތެރޭގައި ރެޑްމީ ނޯޓް 13 4ޖީ، ނޯޓް 13 5ޖީ، ނޯޓް 13 ޕްރޯ ނުވަތަ ޕްރޯ ޕްލަސް އަދި ނޯޓް 13 ޓާބޯ ވޭރިއަންޓެއް ހިމެނޭނެ އެވެ. ކޯޑްނޭމް ”ސެފަޔާ“ ހިމެނޭ މޮޑެލް ނަމްބަރު އެން7 ހިމެނޭ ރެޑްމީ ނޯޓް 13 4ޖީ އެންއެފްސީ އާއި ނޮން-އެންއެފްސީ ވޭރިއަންޓްތަކުގައި ކުއަލްކޮމް ސްނެޕްޑްރެގަން ޗިޕްސެޓަކާ އެކު ލޯންޗް ކުރާނެ ކަމަށް ބެލެވެ އެވެ.
ޔޫރަޕާއި ތުރުކީ އަދި އިންޑޮނޭޝިއާގައި މި މޮޑެލް ލިބެން ހުންނާނެ ކަމަށް ބުނި ނަމަވެސް އިންޑިއާގައި މި މޮޑެލް ލޯންޗް ކުރާނެ ކަމަކަށް ނުބެލެވެ އެވެ.
އެގޮތުން ރެޑްމީ ނޯޓް 13 5ޖީ ވޭރިއަންޓަކީ މޮޑެލް ނަމްބަރު އެން17 ގެ ކޯޑްނަމަކަށް ”ގޯލްޑް“ ކިޔާ ވޭރިއަންޓެއް ކަމަށް މީޑިއާޓެކް ޑިމެންސިޓީ އެސްއޯސީއަކުން ބުނެއެވެ. މި ފޯނުގައި 108 މެގަޕިކްސެލްގެ ޕްރައިމަރީ ރިއާ ސެންސަރަކާއި ސެކަންޑަރީ އަލްޓްރާ ވައިޑް ލެންސަކާއި މެކްރޯ ލެންސެއް ހުންނާނެ ކަމަށް ބެލެވެ އެވެ. ޔޫރަޕާއި އިންޑިއާގައި މާކެޓް ކުރާނެ ކަމަށް ބެލެވޭ އިރު، ހޮވާލެވޭ މާކެޓްތަކުގައި ޕޮކޯ ހޭންޑްސެޓެއްގެ ގޮތުގައި ރީބްރޭންޑް ކުރެވިދާނެ އެވެ.
ރެޑްމީ ނޯޓް 13 ޕްރޯ ނުވަތަ ރެޑްމީ ނޯޓް 13 ޕްރޯ ޕްލަސް ގައި މޮޑެލް ނަންބަރު އެން16ޔޫ ގެ ކޯޑްނޭމް ”ޒިކްރޯން“ ހިމެނޭ ކަމަށް ބެލެވެ އެވެ. އެއީ 200 މެގަޕިކްސެލްގެ ސެމްސަންގް އައިސޮސެލް އެޗްޕީ3 ޕްރައިމަރީ ރިއަރ ސެންސަރަކާއި އަލްޓްރާ ވައިޑް އޭންގަލް ލެންސެއް ހިމެނޭ 8 މެގަޕިކްސެލްގެ ސެންސަރަކާއި 2 މެގަޕިކްސެލްގެ މެކްރޯ ސެންސަރެކެވެ. މި ފޯނުގައި މީޑިއެޓެކް ޑިމެންސިޓީ އެސްއޯސީއެއް ހުރެދާނެ ކަމަށާއި މި ފޯނުގައި 16 މެގަޕިކްސެލްގެ ފްރޮންޓް ކެމެރާ ސެންސަރެއް ހުންނާނެ ކަމަށް ބެލެވެ އެވެ. މި މޮޑެލް އިންޑިއާ އާއި ދުނިޔޭގެ އެހެން މާކެޓުތަކުގައި ވެސް ތައާރަފް ކުރާނެ ކަމަށް ބެލެވެ އެވެ. މީގެ ކުރިން ނެރުނު ރިޕޯޓެއްގައި ބުނެފައިވަނީ ރެޑްމީ ނޯޓް 13 މޮޑެލްތަކުގެ ތެރެއިން އެއް މޮޑެލް އަކީ އޮކްޓާ ކޯރ މީޑިއާޓެކް ޑިމެންސިޓީ 9200+ އެސްއޯސީގެ އެހީގައި އުފައްދާ މޮޑެލްތަކެއް ކަމަށް ބެލެވޭ ކަމަށެވެ.
އެންމެ ފަހުން ޓޮޕް އޮފް ދަ ލައިން ރެޑްމީ ނޯޓް 13 ޓާބޯ ކޯޑްނަމަކަށް ކިޔާ ”ގާނެޓް“ ގައި ވެސް 200 މެގަޕިކްސެލްގެ ސެމްސަންގް އައިސޯސެލް އެޗްޕީ3 ޕްރައިމަރީ ރިއާ ސެންސަރެއް ހުންނާނެ ކަމަށް ބެލެވޭ އިރު، ކުއަލްކޮމް ސްނެޕްޑްރެގަން ޗިޕްސެޓެއް ޕެކް ކުރެވޭނެ އެވެ. މިއީ އެއްވެސް ރީބްރޭންޑިންއަކާ ނުލައި ދުނިޔޭގެ ފެންވަރުގައި ތައާރަފްކުރި ފުރަތަމަ ރެޑްމީ ނޯޓް ޓާބޯ މޮޑެލް ކަމަށް ވެސް ބެލެވެ އެވެ.
