ކުރީގެ ނޫސްވެރިޔާ ޢާއިޝަތު އާނިޔާ ނިޔާވެއްޖެ

ކުރީގެ ނޫސްވެރިޔާ ޢާއިޝަތު އާނިޔާ ނިޔާވެއްޖެއެވެ.

އާނިޔާ ނިޔާވީ ކެންސަރަށް ފަރުވާ ކުރަމުން ދަނިކޮށް އިންޑިއާގެ ބެންގަލޫރުގައެވެ.

ރައީސް މައުމޫން ޢަބްދުލްޤައްޔޫމްގެ ވެރިކަމުގެ ފަހުކޮޅު އުފެއްދި މިނިވަން ނޫސް ހިންގުމުގައި އާނިޔާ ވަނީ އިސް ދައުރެއް އަދާކޮށްފައެވެ. އޭގެފަހުން އޭނާ ވަނީ ’މިނިވަން ރޭޑިއޯ‘ ވެސް ހިންގާފައެވެ.

މީގެއިތުރުން އާނިޔާއަކީ އެމްޑީޕީގެ ސެކްރެޓަރީ ޖެނެރަލްކަން ކޮށްފައިވާ މީހެކެވެ. އޭނާ އެމްޑީޕީން ވަކިވީ އެ ޕާޓީގެ ޗެއާޕާސަން ހޮވުމަށް 2022 ގައި ބޭއްވި އިންތިޚާބަށްފަހުއެވެ.