ރިޔާސީ އިންތިޚާބު: ވޯޓުލާ މަރުކަޒުތައް ތައްޔާރުކޮށްދޭނެ ފަރާތެއް ހޯދަނީ

ރިޔާސީ އިންތިޚާބުގެ ވޯޓުލާ މަރުކަޒުތައް ތައްޔާރުކޮށްދޭނެ ފަރާތެއް ހޯދަން އިލެކްޝަންސް ކޮމިޝަނުން މިއަދު އިއުލާނުކޮށްފިއެވެ.

މިކަމަށް އެދޭ ފަރާތްތަކަށް ބީލަން ހުށަހެޅުމުގެ ފުރުސަތު ވަނީ ހުޅުވާލައިފައެވެ.

ބީލަން ހުޅުވުން އޮންނާނީ މި މަހުގެ 24 ވާ ބުރާސްފަތި ދުވަހުގެ 14:00 ގައި އިލެކްޝަންސް ކޮމިޝަން (ޕޯޓް ކޮމްޕްލެކްސް 5 ވަނަ ފަންގިފިލާ, ހިލާލީމަގު) ގައެވެ.

ވޯޓުލާ މަރުކަޒުތައް ތައްޔާރުކުރުމަށް ލިބޭނީ ސެޕްޓެމްބަރު 7 ވާ ުާބުރާސްފަތި ދުވަހުގެ 18:00 އިން ފެށިގެން 2023 8 ވާ ހުުކުރު ދުވަހުގެ 17:00 އާ ހަމައަށެވެ.

މިކަމާގުޅޭ މައުލޫމާތު ކަރުދާސް އީސީގެ އިއުލާނާއެކު ވަނީ ގެޒެޓްކޮށްފައެވެ.

ސެޕްޓެމްބަރު 09 ގައި އޮންނަ އިންތިޚާބުގައި ޖުމްލަ 574 ވޯޓު ފޮށި ބަހައްޓާއިރު އޭގެތެރެއިން 175 ވޯޓު ފޮށި ބަަހައްޓާނީ މާލޭގައެވެ.